Registers van de Hollandse grafelijkheid 1299-1345

Schepenen van Schiedam verklaren dat Betto Willemsz. en diens kinderen Hein Vriese en Nicolaas in de zoenregeling vanwege de doodslag op Willem, broer van Betto, 25 pond Tournois hebben ontvangen, waaruit zij ook de andere verwanten zullen betalen.

Vgl. nrs. NH 501 en 503.

Wi Clays Ermegaerden zone, Reynoud Aelbrechts^a sone ende Ghisekijn^b Gheerlofs zone, scepene in Scyedamme^c, orconden ende kennen dat Bette Willaems^d sone, Heyne Vriese ende Clays, Betten kindere vors., hebben ontfaen die zoene van Willaem^e, Betten broeder vors., die mit Ghysebrecht^f Bokel bleef, dair die suine^g of loipt^h XXV lb. zwarter Tornoyseⁱ, in dusdanigher manieren also dat si den anderen maghen dair of voldoen zullen, alsoe dats min here die grave van Holland^j ombecroent blive; ende dit hebben si verzekert up al hoir ^k goet dat si hebben, ghewonnen ende onghewonnen.

In orconde deser lettere bezeghelt mit onsen zeghelen int jair ons sHeren^l dusent drie hondert ende^m twie ende dortich, des vridaghes nae sinte Aechten daghe.