Registers van de Hollandse grafelijkheid 1299-1345

Jan van Polanen, ridder, baljuw van Rijnland, Filips van Wassenaar, Floris van der Boekhorst baljuw van Delfland en van Schieland, Enghebrecht rentmeester van Noordholland, Hendrik heer Dirksz. rentmeester van Kennemerland en van West-Friesland, Jan van der Spangen baljuw van Schiedam en Gerard Alewijnsz. verklaren dat ten overstaan van hen de door graaf (Willem III) vastgestelde financiële afhandeling ten uitvoer is gebracht van de zoen met betrekking tot de te Veere gepleegde doodslag op Dirk van Zandhorst, Floris van Duivenvoorde, Wouter van Duivenvoorde en met name genoemde anderen.

De bovenstaande datering is gebaseerd op de veronderstelling dat de paasstijl is toegepast (zie de Inleiding).

De doodslagen te Veere vonden plaats in de week vóór 3 mei 1300; zie Burgers, 'Beeld van de adel', p. 471-472; zie ook Van Mieris, ChHZ II, p. 83-84. Vgl. tevens nrs. NH 501-502.

Wi Jan van Pollanen^b, ridder, bailiu van Rijnland, Philips van Wassenair^c, Florijs van der Bouchorst^d bailiu van Delfland ende van Scieland^e, Enghebrecht^f rentemeester van Noirtholland^g, Jan van der Spainge^h bailiu van Sciedamme, ende Gherardⁱ Alewijns sone maken cond allen luden dat van dien tween dusend ponden Tornoyse, eenen groeten over zestien penninghe Tornoyse^j gherekent, die onse here die grave gheseit^k heeft dat men ghelden sal Dieric van Zanthorst, Florijs^l van Duvenvoirde, Wouter van Duvenvoirde ende anders die met hem doet bleven ter Vere, alsoe als die verclairsinghe^m van den segghen houdt dat dair of ontfaen hebbenⁿ, ende ghelovet voir ons met ghesamender hand dit ghelt na screven te brenghen ende te deelne, sonder arghenlist, onder elkes mans maghe die dair doet bleef, alsoe dats onse here die grave ombecroent blive. Int eerste hair Jan van Pollanen^o voirscreven, Dieric^p van Zanthorst, Dieric van Zaenden ende Arnoud Dierix^q sone ghesamender hand ende in der selver manieren voirscreven van Dierix doot van Zanthorst vier hondert pond Tornoyse; item hair Jan van Pollanen voirs. voir hem ende voir Arend^r van Duvenvoirde, Florijs^s van der Bouchorst^t ende Jan van der Spange ghesamender hand ende in der selver manieren van Florijs^u doot van Duvenvoirde vier hondert pond Tornoyse, ende van Wouters doet van Duvenvoirde vier hondert pond Tornoyse, dat comet achte hondert pond Tornoyse; item Dieric^v Boffel, Jan Boffel, jonghe Dieric Boffel ende^w Colijn Dieric^x Boffels sone ghesamender hand ende in der selver manieren van Colijns^y Boffels doot hondert dortich pond Tornoyse; item Gherijt^z van der Molen, Willem^a' van der Molen, Dieric Barnier^b' ende Doede heren Ansems sone ghesamender hand ende in der selver manieren van Willems^c' doot van der Molen tachtich pond Tornoyse; item Barthelmeeus^d' Hughen sone, Jan Oem^e', Reghenboud ende Florijs van Oesterzeel^f' ghesamenderhand ende in der selver manieren van Barthelmeeus^g' doet van Oesterzeel^h' hondert dertich pond Tornoyse; item hair Jan van der Wateringhen^i', Philips van Wassenair, Arend^j' Vrancken^k' sone^l' ende Hughe Ghysebrechts^m' sone ghesamender hand ende in der selver manieren van Clais^n' doet heren Gherijts^o' sone^p' van der Wateringhe^q' hondert pond Tornoyse; item Gherijt^r' Alaerds^s' sone, Zibrand Zybrands^t' veren Aven soens sone, Pieter Onderwater^u' ende Dieric Dieric veren Aven soens sone ghesamender hand ende in der selver manieren van Dierix^v' Suayers^w' doet vijftich pond Tornoyse; item Arend die Backer, Hobbe Gheyen sone, Clais^x' Syen sone ende Symon Gheyen sone ghesamender hand ende in der selver manieren van Gheye Moyers^y' doot tsestich pond Tornoyse; item Copkijn Coppijn Oeden zoens zone, Doede heren Amsens sone, Copkijn Arends sone ende Dieric^z' Aven sone ghesamender hand ende in der selver manieren van Copkijn Oeden soens doet tsestich pond Tornoyse; item hair Jan van Poelanen^a'' voirscreven van Jans doet van Grimberghen^b'' hondert pond Tornoyse, die sal hi onder houden ter tijt toe dat hi van den maghen zekerhede heeft; item Dieric^c'' van Delf ende Arend Dierix^d'' sone ghesamender hand ende in der selver manieren totes Heylich Gheest^e'' behoef van Voirscoten^f'' voir hairre alre zielen die ter Vere doet bleven voirscreven tneghentich pond Tornoyse, dair of sal^g'' die Heylich^h'' Gheest gheven der kerken van^i'' Voirscoten twintich scellinghe Hollands^j'' sjairs. Dit comt in summe twe dusend pond Tornoyse. Al^k'' dus es dese zoene voirscreven alte vollen betailt van ons heren tsgraven weghen; ende zoe wilke tijd dat die ghenen die^l'' tghelt voirscreven ontfaen hebben, dese^m'' zoene ghecorven^n'' ende den maghen uyt ghereeket hebben, zonder archlist, zoe sullen die ghene die voldaen hebben van der loftocht voirscreven quite wesen.

Ende om dat wi hier over hebben gheweest, zoe hebben wi desen brief in kennessen open beseghelt met onsen zeghelen. Ghegheven in die Haghe op sinte Valentijns dach int jair ons Heren dusend drie hondert een ende dortich.