Registers van de Hollandse grafelijkheid 1299-1345

Dirk, ridder, burggraaf van Leiden, en Justine, burggravin van Leiden, beloven hun knaap Nicolaas de Gruiter van Haarlem dat zij alle schulden die zij bij hem hebben of zullen krijgen vanwege door hem ten behoeve van hen gedane transacties zullen vergoeden, stellen de termijnen van betaling vast en bepalen dat na hun overlijden Nicolaas uit hun nagelaten goederen geheel zal worden voldaan voordat de erfgenamen de beschikking krijgen over erfenis; de oorkonde wordt medebezegeld door graaf Willem III, die tevens zijn baljuws beveelt toe te zien op naleving van de genoemde bepalingen.

Vgl. nrs. NH 487, 600 en 601.

Wi Dieric^b, ridder^c, burchgrave^d van Leyden, ende Joustine^e borchgravinne van Leyden maken cont ende kenlic allen luden dat wi beloift hebben ende beloven Clays^f den Gruter^g van Harlem^h, onsen knape, of sinen erfnamen: war dat sake dat sijns ghebrake te geldene ende te betailne als dat wi hem sculdich sien ende sculdich sellen worden van allen goide dat wi jeghens hemⁱ coipen of uuit doit^j, het si in^k ware of in ghelde jarlix jeghens ons te rekenen, behouden alsulke brieve als hi van ons hout; ende wat goide dat hi vor ons hevet^l uut ghedaen na sire rekeninghe daer^m hi onse brieve of hevet ende noch voir ons uyt sal doen, dair of sal hi ons rekeningheⁿ doen binnen jairs; ende wat wi hem dan sculdich bliven, dat sel wi hem betalen elkes jairs die eene helft te Voirscoter^o market ende dander helfte^p te Valkenburch^q market na sire rekeninghe naist comende hofdelinghe penninghe, sonder eenich wedersegghen. Ende wair dat zake dat onser eenich ghebrake of onser beyder voir die tijd^r dat wi Clayse^s voirs. vol ende al betalet hadden, zoe verwilcore wi ^t voir ons ende voir onse erfnamen dat niemant van onsen erfnamen sijn hand enslaet an onse erflike goed, roerende of onroerende, eer Clays die Gruter^u voirscreven vol ende al si betalet van al dat men sculdich es ter goeder rekeninghe, sonder alrehande archlist, toit desen voirscreven daghen.

Ende omme dat wi willen ende begheren uterlike dat alle dese voirwairden vaste ende ghestade blive, soe hebben wi desen brief open beseghelt met onsen seghelen; ende omme die meerre sekerhede^v soe hebben wi ghebeden ende bidden onsen lieven here den grave van Heynegouwen^w, van Holland^x, van Zeeland^y ende here van Vriesland^z, dat hi desen brief open wille beseghelen met ^a' sinen seghele. Ende wi Willaem^b' grave van^c' Heynnegouwen^d' ende van Holland^e' voirs. omme bede des burchgraven ende der burchgravinnen voirscreven hebben desen brief open beseghelt met onsen seghel; ende ombieden allen onsen baliuwen onder wien dat eenich goed gheleghen es dat den burchgrave ende der^f' burchgravinnen toe behoirt, dat si Claise^g' den Gruter^h' voirscreven dair in houden van onsen weghen, toit der tijt toe dat hem vol ende al betailt si na den voirwairden des jeghenwoirdichs briefs. Ghescreven^i' ende ghedaen int jair ons Heren M CCC XXXII des dinxendaghes na sinte Pieters dach ingaende oichste.