Registers van de Hollandse grafelijkheid 1299-1345

Dirk, ridder, burggraaf van Leiden, schenkt zijn neef Hendrik van Heemskerk het ambacht van 20 morgen land in zijn ambacht geheten de Vennep, die het van hem zal houden zoals hij het van de graaf houdt.

Vgl. het volgende nr. NH 528.

Ic Dieric^a, ridder^b, burchgrave van Leyden, make cond allen luden dat ic ghegheven hebbe ende gheve Heynric van Hemskerke^c, minen neve, van twintich morghen lands dat ambocht dair of die gheleghen sien in myn ambocht ende hiet die Venp, dair an die eene side leghet Arnt^d van Waterland^e ende an die ander side leghet Jacop Arns^f sone^g, strecken ien^h i ende an die Mer^j ende ander^k ende an den Hout; ende dit voirs. ambocht van desen^l voirscreven lande soe^m houd Heynric van mi in al dien manieren als icket van minen lieven here den grave houde.

In kenissen der wairhede soe hebbe ic desen brief beseghelt met minen seghele int jair ons Heren M CCC seven ende twintich op sente Willeborts dach.