Registers van de Hollandse grafelijkheid 1299-1345

Graaf Willem III en Gerard van Hamerstein, commandeur, en het convent van Sint Catharina te Utrecht, verklaren dat de graaf aan het convent het patronaatsrecht van de kerken van Hazerswoude en Zoeterwoude heeft geschonken, waarvoor commandeur en convent de graaf, de gravin en hun oudste zoon en dochter beloven desgewenst onderdak te verlenen in al hun huizen in Utrecht, Oudewater, Haarlem en Middelburg; de graaf neemt het convent op in zijn  bescherming, en commandeur en convent zullen voor de graaf ieder jaar in hun kerk een plechtige mis lezen, zowel bij zijn leven als na zijn dood.

Universis presentes litteras inspecturis Wilhelmus ..comes^a Hannonie^b etc. et frater Gerardus^c de Hamersteyn, commendator, conventusque domus Sancte Katherine^d Traiectensis^e salutem et rei geste noscere veritatem. Noverint universi quod cum nos Wilhelmus^f comes predictus ob augmentationem cultus divini et ob affectionem^g quam ad personam reverendi patris domini Iacobi quondam Zudensis^h episcopi, commendatoris domus predicte, et suum conventum habuimus, ius patronatus ecclesiarum de Hasairdswoudeⁱ et de Zoeterwoude^j dictis Zudensi^k episcopo suoque conventui contulerimus necnon plura iura et libertates concesserimus, prout hec in litteris nostris super hoc confectis plenius continentur; et in aliqualem recompensationem dictus frater Gerardus^l de Hamersteyn, commendator, et conventus domus predicte nobis heredibus et successoribus nostris comitibus Hollandie^m, uxoribus eorum ⁿ et primogenitis filio vel filie eorundem dederint deliberatione matura prehabita atque concesserint, dant et concedunt hiis presentibus perpetuo hospitium in domibus eorundem in Traiecto, in Oudewater^o, in Hairlem, in Middelburch et in omnibus aliis domibus quas habent vel habere poterunt in futurum in comitatibus nostris Hollandie^p vel Zeelandie^q, sine tamen ipsorum sumptibus et expensis, commodo fratrum domuum predictarum et familie eorundem rationabili ac competenti^r in predictis ipsorum domibus ipsis salvo; nos dictos commendatorem et conventum, ecclesiam et bona eorum per nostros comitatus Hollandie^s et Zeelandie^t recepimus et recipimus in protectione nostra et guardia^u speciali contra omnem inuriam et violentiam, communi iure terre nostre in omnibus nobis et nostris subditis salvo. Et nos frater Gerardus^v, commendator, et conventus domus Sancte Katherine predicte, habita deliberatione in nostro capitulo, ex consensu et assensu nostrorum aliorum conventuum, pro conservanda pace nostra et ob remunerationem bonorum nobis a dicto comite collatorum, dicto comiti Wilhelmo^w promittimus quolibet anno in qualibet domuum nostrarum predictarum cantare missam sollempnem de sancto Spiritu quam diu vixerit semel in anno, ut Deus sanitatem sibi tribuat et statum suum augeat et augmentet, et post mortem dicti comitis Willelmi^x quolibet anno in die decessus sui facere obitum^y seu anniversarium suum^z sollempniter perpetuo in omnibus domibus antedictis. Promittimus etiam dicto comiti Willelmo^a', eius heredibus et successoribus comitibus Hollandie^b', uxoribus eorundem et filio seu filie primogenitis quotiens et quando eis vel eorum alteri placuerit venire ad hospitia ecclesie nostre supradicta, quod ipsos recipiemus et eisdem vel eorum alteri venienti hospitium deliberabimus et in eisdem vel altero eorum poterunt quantum eis placuerit habitare, sine nostris tamen et fratrum nostrorum et conventus sumptibus et expensis; utensilia tamen que in domo nostra ubi venerint reperientur, tenebuntur commodare^c' utensilibus fratrum et quibus carere ad sua cibaria et alia sua necessaria pagenda non poterunt ipsis salvis, nec debet conventus noster nec aliquis de fratribus nostris vel ipsorum familia in victualibus vel in aliis quibuscumque gravare in aliquo comitem, uxorem, primogenitum vel primogenitam antedictos.

Et ut omnia et singula supradicta firma maneant et inconvulsa nos Gerardus^d', commendator, et conventus predicti pro nobis et successoribus nostris et pro ecclesia nostra et pro omnibus nostris domibus antedictis promittimus omnia predicta et singula eorundem firmiter et inviolabiliter observare, dolo et fraude exclusis penitus in premissis. In quorum omnium^e' testimonium et muminen nos Wilhelmus^f' comes predictus pro nobis et successoribus nostris comitibus Hollandie^g', et nos Gerardus^h', commendator, et conventus predicti pro nobis, ecclesia nostra et successoribus nostris et pro omnibus nostris domibus prenotatis in testimonium veritatis sigilla nostra presentibus duximus apponenda. Datum apud Hagam in festo beati Laurentii anno Domini M^o CCC^o tricesimo secundo.