Registers van de Hollandse grafelijkheid 1299-1345

Schepenen van Schiedam verklaren dat Willem Lizenz. twee nader omschreven huizen en erven te Schiedam in erfpacht gekregen heeft van Jan de Keizer, tegen een jaarrente van 5 pond Hollands.

Vgl. het volgende nr. NH 544.

Wi Diederic^a Abraems^b sone^c, ^d Jan Butseel^e, Willaem^f Dierkijns sone^g, Jacob van Zassen, Reynoud Alebrechts^h soneⁱ, Willaem^j die Backer ende Andries Witkijn^k, scepene in Schyedamme^l, orkonden ende kennen^m dat Willemⁿ Lisen^o sone heeft ghehuirt in eenen eeweliken pachte jeghens Janne den Keyser thuys ende dat erve dat men heet Weeldenberch, dat staet ende gheleghen es tuschen Coman^p Floren ende Didderic^q Sniders, ende dat huys ende erve dat wilen eer tsgasthuys was van Schyedamme^r ende gheleghen^s es bi der ^t kercken an die west zide van prochypapen^u woninghe, om vijf pond Hollands^{v w} jairlix, wilke voirseide rente Jan die Keyser jof die houder der letter alle jare ontfanghen sal te sente Baven daghe^x in sulken paymente alse die here ontfaet van sinen renten te Schyedamme^y; dede hijs niet, hi soude hem gheven pande alse recht is van erfrenten te Schyedamme^z, ende dit heeft hi hem versekert op al sijn goed.

In orkonde deser lettren beseghelt mit onsen seghelen int jair ons Heren M CCC^a' ende^b' c' zes ende twintich des vrydaghes op sente Jans daghe baptiste alse hi onthoeft was.