Registers van de Hollandse grafelijkheid 1299-1345

Graaf Willem III verkoopt aan Hendrik, zoon van Nicolaas heer Dirksz. van Oudshoorn, in vrij eigendom de helft van een nader omschreven perceel van 2½ akker lands in het ambacht Aarlanderveen, zijnde 6 morgen en 1½ hond.

Wi Willaem^a grave etc. maken cond etc. dat wi bi Enghebrechte^b van Voirscoten^c, onsen rentemeister van Noirtholland^d, vercoft hebben Heynric^e Clais^f heren Dierix^g soens sone^h van Outshoirneⁱ die helfte van dordalf acker lands die ons bestorven van Gheertruiden^j doit Willaem^k Tedemans soens ^l, legghende int ambocht van Airlender veen^m, streckende van westen uter Areⁿ, oestwairts op an onse wildernesse ende heeft beleghen an die zuyt side Gherard^o ende Dieric^p Gherard^q Tedemans soens kindere mit mienre voiren, ende an die noirtside van den tween ackeren leit Clays^r heren Dierx^s sone ende sine kindere, Dieric^t Ermegairden^u sone ende Willaem^v Tedemans^w soens^x kindere, alle mit meenre voire, hier an leyt die halve acker dien heeft beleghen an die noirt side Clais^y heren Dierix^z sone^a'; wilke derdalf ackeren voirs. houden altemale dertiendalf morghen, dair ons die helfte of ane loipt^b', dat sien zes morghen ende 1½ hond, die hi coipt over eyghen, elke morghen omme IX lb. Hollands^c', dair hi onsen rentemeister voirs. ghenoech of ghedaen heeft. Ende gheven Heynric^d' Clais^e' sone^f' voirs. hier of eenen vryen eyghendom, ende ghelovend hem te waren als men een eyghen goed sculdich es te waren.

In orkonde etc. Ghegheven in den Haghe des vrydaghes voir sente Marcus^g' dach int jair ons Heren M^o CCC^o XXXIII^oh'.