Registers van de Hollandse grafelijkheid 1299-1345

Graaf Willem III bepaalt dat de dochter van Boudewijn van Zwieten tot haar meerderjarigheid niet uitgehuwelijkt zal worden en bij haar moeder zal blijven wonen, waarbij die laatste jaarlijks 6 pond Hollands uit haar dochters goederen zal krijgen, terwijl de rest zal toevallen aan Dirk van Zwieten, neef van Boudewijn; voorts moeten beide partijen, zowel die van vaders- als van moederskant, beloven het meisje niet zonder toestemming van de andere kant te zullen uithuwelijken, en verbiedt hij een vete vanwege deze zaak.

Wi Willaem^a b etc. maken cont allen luden^c. Want Dieric^d van Sueeten^e Buedijns^f sijns oems dochter gheloeft hadde te mannen^g binnen hoiren jaren ende buyten hoire moeder ende hoirre moeder maghe wille, soe zegghen wi ende willen dat Boudijns dochter voirs. vortwaert meer blive wonende med hoirre moeder ter tijt toe dat zi hoire volle jare hebbe, ende dat die moeder jairlix hebbe van der dochter houdinghe alze van der dochter renten zes pond Hollands^h, ende wat dair boven comtⁱ dat dat Dieric^j blive, ende dair of zel hi ghelden^k den cost die Beudijns^l dochter ghedaen heeft vors. toit Arnt^m Dierixⁿ soens^o huys van Zanthorst. Voirt sal die moeder versekeren op eene pene van hondert ponden dat si hoire dochter voirs. niet mannen en sal buten rade des vaders maghe, ende des gheliken selse Dieric^p van Zwieten^q niet mannen buten der moeder ende der moeder maghe op die pene van C lb. Voirt segghen wi ende willen dat Beudijns^r wijf van Zwieten^s vors.^t ende hoire maghe van Dieric^u van Zwieten^v ende van sinen maghen ongheveet sullen bliven omme deser zaken wille ende dat hier of roeret.

In orkonde etc. Ghegheven in die Haghe^w des sonnendaghes na meyedach int jair ons Heren M CCC XXXIII.