Registers van de Hollandse grafelijkheid 1299-1345

Graaf Willem III belooft heer Jan van der Wateringe bescherming voor het zesde deel van 26 morgen land in het ambacht Vlaardingen dat deze met zijn toestemming had gekocht van heer Gozewijn van Rossum, ridder, die op zijn beurt dit goed via zijn echtgenote had geërfd van jonkvrouw Willem van Teilingen.

Willem grave etc. maken cond allen luden^b. Want haren Goswijn^c van Roshem^d, onsen trouwen^e ridder ende sijns wives erfname, med eere landzaghe ghegheven sien in den ambochte van Vlaerdinghe^f een zestendeel van ses ende twintich morghen lands alse van der erfnisse die heren Goswijns^g wijf ane verstarf van joncfrouwe Willame^h van Theylinghe, ende hair Jan van der Weteringheⁱ dat^j sestendeel van den ses ende twintich morghen lands voirscreven bi onsen goeddencken ghecoft heeft jeghens heren Goswijn^k van Roshem^l, ende sulke sekerhede dair of ghedaen dats heren Goswijn^m ghenoeghet, soe gheloven wi heren Janne van der Weteringheⁿ voirs. in dien sestendeel van den ses ende twintich morghen lands voirscreven te bescermen ende int besitte te houden in alle dien^o rechte dat wire^p heren Goswijn^q sculdich in waren te houden, ter tijd toe datmen met eenen rechte dar uut wind.

In orconde desen brieve beseghelt met onsen zeghel^r. Ghegheven in den Haghe up^s Elf dusent magheden dach int jaer ons Heren M CCC drie ende dertich.