Registers van de Hollandse grafelijkheid 1299-1345

Graaf Willem III schenkt aan Pieter Kempe voor de duur van diens leven een jaarrente van 10 pond zwarten Tornois, uit te keren door de rentmeester van Noordholland.

Willem ..grave^a van Heynnegouwen^b, van Holland^c, van Zeeland^d ende here van Vriesland^e maken cond^f allen luden^g dat wi ghegheven hebben ende gheven met desen brieve in pure alemosine ende omme Gode Pieter Kempe^h tien pond zuarter Tornoyseⁱ jairlix alse langhe als hi levet, den ouden groeten^j Tornoysen^k over zestien penninghe gherekent^l, de wilke hi jairlix ontfanghen zal te Carsavonde^m van onsen rentemeester van Northollandⁿ die nu es of ter^o tijd wesen zal; wair omme wi ombieden onsen rentemeester voirs. dat hi dese rente den voirs. Pieter Kempe^p alle jare up den termijn voirs. uyt reke^q, ende die zullen wi hem altoes ute doen in siere rekeninghe.

In orconde etc. Ghegheven tAmiens^r des derden daghes na onser Vrouwen dach assumptio int jair ons Heren M^o CCC^o vier ende dortich.