Registers van de Hollandse grafelijkheid 1299-1345

Graaf Willem III beleent Willem van Oudshoorn met de jaarrente van 25 pond Hollands die eerder heer Pieter van Leiden en heer Willem van Duivenvoorde plachten te innen uit de tiende van Hazerswoude; voorts bepaalt hij de vererving van dit leen.

Willem grave van Heynnegouwen^a, van Holland^b, van Zeeland^c ende here van Vriesland^d maken cond ende kenlic allen luden^e dat wi hebben verleent vor ons ende onse nacomelinghe te houdene Willem van Oesthorne^f ende sinen nacomelinghen die vive ende twintich pond Hollands^g sjairs die here Pieter van Leyden ende here Willem^h van Duvenvoirde van ons plaghen jairlics te heffene ute onser tiende van Haserdswoudeⁱ; ende dese vive ende twintich pond Hollands^j sjairs sal Willem^k van Oesthorne^l vors. van ons ende van onsen nacomelinghen houden in sulken leene dat soe^m wat ⁿ van hem comet, eist zone eist dochter van wittachtighen gheboirte, hem niet te verstervene.

In orconde desen brieve bezeghelt met onsen zeghele^o. Ghegheven tote Keynot^p des saterdaghes na sinte Jans dach baptiste int jair ons Heren M^o CCC^o vier ende dortich.