Registers van de Hollandse grafelijkheid 1299-1345

Graaf Willem III beleent Nicolaas de Hert voor de duur van diens leven met een jaarrente van 20 pond Hollands, uit te keren door de rentmeester van Noordholland uit de goederen te Rodenrijs en Berkel; als tegenprestatie zal Nicolaas die rentmeester bijstaan bij de administratie van het goederenbeheer.

Willem ..grave^a van van Heynnegouwen^b, van Holland^c, van Zeeland^d ende here van Vriesland^e maken cond allen luden^f dat wi omme trouwen dienst die ons Clays die Hert ghedaen heeft ende noch doen sal hem ghegheven hebben ende gheven twintich pond Hollands^g tsjaers te houden van ons in leene tote sinen live, wilke twintich pond Hollands^h tsjaers wi hem bewisen jairlix intenemen dieneⁱ helfte te Voirscoter^j marct ende die ander helfte te Valkenborghemarct^k, ende hier bi sel Clays voirs. onsen rentemeester van Northolland^l die nu is jof hier^m namaels wesen sullenⁿ helpen scriven, raden ende bewisen onse renten ende onse goed, wair bi dat^o rackelike ende trouwelike bewaert worde; wair omme wi u ombieden ende ghebieden Gheret^p Heynen^q sone^r, onsen rentemeester van Northolland^s die nu is jof hier namaels wesen sal, dat hi uitreeke ende betale Clays den Hert voirs. alse^t langhe als hi levet dese renten voirscreven uten goede te Roderise^u ende te Berkel, ende van him nemen sine lettere van quitancie, ende dair mede sullen wi quiten onsen rentemeester voirscreven in siere rekeninghen.

In orconde desen brieve^v. Ghegheven tDordrecht^w des saterdaghes na Alre heyleghen daghe int jair ons Heren M^o CCC^o viere ende dortich.