Registers van de Hollandse grafelijkheid 1299-1345

Willem van Henegouwen, graaf van Zeeland, doet uitspraak in een geschil tussen enerzijds de abdij van Loosduinen en de bewoners van Nieuwveen in Tedingerbroek en anderzijds Dirk van Zandhorst als voogd van de minderjarige erfgenaam van Zandhorst, betreffende een watergang en een brug aan de Vliet in Tedingerbroek.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Willem van Heynnegouwen^a ..grave^b van Zelland^c maken cond allen luden dat dat goedshuys van Losedunen^d ende die lude die wonen op sgraven Niewenvene^e an Tedingher broec eenen twi hadden jeghens Dieric^f van Zanthorst, monbaer des kints van Zanthorst, alse omme eenen waterganc ende eene hoele ligghende in den wech an den Vliete^g in Tedingher broec in tskints ambocht van Zanthorst voernoemt, daer die wel gheboren hyemraed van Delfland niet mere dan^h vier voete watergancsⁱ ende vier voete in die hoele toe ghevonden hadden; ende dat goedshuys ende die van den Niewenvene voers. omme haer turve^j ende omme haer nod op ende uyt te voeren hadde die hoele wijt ghemaict jeghens neghen voet ende die waterganc zine wide daer jeghens als hem behoefde. Des sij van beyden ziden an^k ons bleven, waer of wi wel beraeden onse segghen uten: in den eersten dat dat goedshuys ende die van den Niewenveen voerscreven hare sluse ende haren waterganc behouden sullen voerwaert meer also wide als sij nu sien ende haer water daer doer leyden bedects hoefts, also dat sij dien van Tedingher broec mid haren water ghene scade en doen; voirt sullen sij gheven Dieric^l van Zanthorst een pond grote, ende dat sullen zij ghelden alle diere doer wateren voerscreven, morghen morghen ghelike; voert segghen wi alle oude kalengen quite.

In orconde desen brieve bezeghelt met onsen zeghele. Ghegheven in die Haghe des woensdaghes na sinte Valentijns dach int jaer ons Heren M^o CCC^o vier ende dortich.