Registers van de Hollandse grafelijkheid 1299-1345

Graaf Willem III bevestigt de schenking door heer Simon van Benthem, ridder, aan diens echtgenote vrouw Agnes, dochter van heer Dirk Bokel, van een lijftocht bestaande uit renten uit diverse nader omschreven grafelijke leengoederen.

Willaem^a ..grave^b van Heynnegouwen^c, van Holland^d ende here van Vriesland^e maken cond allen luden^f dat here Symon^g van Benthem^h, ridder, mid onser hand ghemaict hevet veren Agniesen sinen wive, heren Diericⁱ Boekels^j dochter, tot hare lijftochte: int eerste in tambocht van Vlairdinghe up Hoeghe^k stat, die Willaem^l Aelebrechts^m soensⁿ waren, drie pond ende tien scellinghe Hollands^o tsjaers; voirt in den Vryen banne^p in Popswoude die Pieter Kerstinen sone^q ghehuert hevet vijftien morghen lands, elke morghen omme elf scellinghe ende ses penninghe Hollands tsjairs; voirt in den Vryen banne^r in Popswoude die Robbrecht Zaywijns sone in huren hevet achtendalf morghen lands, elke morghen omme twaelf scellinghe ende neghen penninghe Hollands tsjaers; voirt die wederdele achtendalf morghen die ons ane quamen van Voppe^s Arnouds^t sone^u ende in huren hevet jonghe Michiel, elke morghen omme twaelf scellinghe ende neghen penninghe Hollands tsjaers; voirt dat Hofland dat gheleghen es tuschen Valkenburch ende Cattewic^v ende rentet viertien dalf pond Hollands tsjairs, ende die hoenren die dair toe behoeren ende dair Harbaren sijn broeder die rechte helfte nu of hevet; ende dit voirscrevene goed hout here Symon^w voirs. van ons ten rechten liene. In wilker lijftochte wi gheloven veren Agniesen voirnoemt te houdene alse wi sculdich sien te doene na zede ende costume van onsen lande.

Ghegheven tote Hairlem^x des saterdaghes na onser Vrouwen dach half oichste int jair ons Heren M^o CCC^o ses ende dortich.