Registers van de Hollandse grafelijkheid 1299-1345

Graaf Willem III bevestigt alsnog de eerder door hem toegestane schenking door Gerard van Boshuizen aan diens echtgenote vrouw Clara van een lijftocht van 10 morgen land bij de woning in Boshuizen, waarvan toen geen oorkonde was opgemaakt, dit op verzoek van hun zoon Gerard van Boshuizen, en na een door deze voor de grafelijke Raad afgelegde verklaring.

Willaem^a ..grave van Heynnegouwen^b, van Holland^c ende here van Vriesland maken cond allen luden. Want Gheret van Buschusen^d voir onsen Raed ghecomen es ende zeghet dat Gheret van Buschusen^e, sijn vader, mid onser hand makede veren Claren^f sinen wive, des Gherets moeder, tien morghen lands in die woninghe tote^g Buschusen^h van der oestziden in tot hore lijftochte, dair zi ghene brieve van ons of en hadde; ende want Gheret voirs. ane ons begheert dat wi hoir dese lijftochte bekennen willen voirscreven, soe hebben wi hoir dese tien morghen lands verliet tot hore lijftochte mid desen brieve, ende ghelovense dair in te houden als wi sculdich sien te doene na zede ende costume van onsen lande.

Ghegheven in den Haghe des vridaghes na onser Vrouwen dach nativitas int jair ons Heren M^o CCC^o ses ende dortich.