Registers van de Hollandse grafelijkheid 1299-1345

Graaf Willem III schenkt aan jonkvrouw Ida, dochter van Dirk van den Werve, voor de duur van haar leven een jaarrente van 3 pond Hollands, uit te keren door de rentmeester van Noordholland.

Willaem^a ..grave^b van Heynnegouwen^c, van Holland^d ende here van Vriesland^e maken cond allen luden^f dat wi joncvrou Yden^g, Dierix^h dochter van den Werveⁱ, ghegheven hebben ende gheven omme Gode ende omme dienst die huer ouders ende huer vriende ons ghedaen hebben also langhe als si levet drie pond Hollands^j tsjairs, die welke wi^k hoir bewisen jairlixe inte nemen ane onsen rentemeister van Northolland^l die nu es jof namaels wesen sal. Ende ombieden onsen rentemeister voirs. dat hi joncvrou Yden voirscreven alle jare te Kersavonde^m uyt reyke ende betale die drie pond Hollandsⁿ tsjairs voirghenoemt, sonder enich ghebot meer van ons dair of te hebben; ende van also vele sullen wi hem alle jare quiten in ziere eerster rekeninghe.

In orconde desen brieve bezeghelt mid onsen seghele^o. Ghegheven in den^p Haghe svridaghes na Onser Vrouwen dach in septembre^q int jair ons Heren M^o CCC^o ses ende dortich.