Registers van de Hollandse grafelijkheid 1299-1345

Graaf Willem III bevestigt de schenking door Dirk van Zwieten en diens zoon Nicolaas van Zwieten aan jonkvrouw Meine, dochter van Willem Cuser, echtgenote van Nicolaas, van een lijftocht van in totaal 34 pond Hollands uit twee nader omschreven goederen die Dirk van hem in leen houdt.

Voor de datering zie de opmerking bij nr. NH 621.

Willaem^a ..grave^b van Heynnegouwen^c, van Holland^d ende here van Vriesland^e maken cond allen luden^f dat Dieric^g van Swieten ende Clays van Swieten sijn soen^h mid onser hand ghemaict hebben joncvrou Meynen, Willaemⁱ des Cusers dochter, Clays wive voirs., tot hore lijftochte dortich morghen lands ligghende in den Gronen dijc^j, dat westende streckende an de Burchmeede^k ende dat oestende an den Rijn, die Dieric^l voirs. van ons te liene hout, voir vive ende twintich pond Hollands^m tsjaers metter husinghe diere op staen, ende dair toe neghen pond Hollandsⁿ tsyaers ute twaelf morghen lands ligghende in den Ommedijc, die Willaems^o van Swieten waren ende Dieric^p voirs. van ons te liene hout; in wilker lijftochte wi gheloeven joncvrou Meynen voirs. te houden als wi sculdich sien te doene na zede ende costume van onsen lande.

In orconde desen brieve bezeghelt mid onsen zeghele. Ghegheven in den^q Haghe des sonnendaghes na sHeylich^r Cruys dach int jair ons Heren M^o CCC^o XXXVI.