Registers van de Hollandse grafelijkheid 1299-1345

Graaf Willem III belooft de priviliges van schepenen, Raad en gemene poort van Dordrecht te zullen handhaven.

Wi Willem grave van Henegouwen^a, van Holland^b, van Zeland^c ende here van Vriesland^d maken cond allen luden dat wi onsen lieven ende ghetrouwen scepen, Raet ende ghemene poirte van Dordrecht^e, omme menighen ghetrouwen dienst dien si dicke onsen ouders ende ons hebben ghedaen, belovet hebben ende ghezuoren alle hare handvesten, coren ende recht dat si van onsen ouderen betoghen moghen ende bescreven hebben, in wat manieren dat sise hebben, te houdene vast ende ghestade voer ons ende voer onsen nacomelinghen hem ende haren nacomelinghen.

Om dat wi hem dit vaste ^f ende ghestade houden willen, zoe hebben wi hem desen brief bezeghelt met onsen zeghele. Ghegheven te Dordrecht^g in^h den jare ons heren M^o CCC^o ende viere des woensdaghes voer sinte Victoers dach.