Registers van de Hollandse grafelijkheid 1299-1345

Otto van Buren, Zweder van Bloemenstein, Gijsbrecht van Kats en Jan van Salmonde verklaren dat Gijsbrecht van Kats in zijn ambacht in het Rietveld in Culemborgerbroek ten overstaan van de drie anderen en van de schout en de buren ten behoeve van graaf (Willem III) 3 hoeven land heeft overgedragen aan Yolke Hacken van Buurmalsen, welk land zij vieren voor de graaf gedurende jaar en dag beloven te waarborgen, terwijl Gijsbrecht de drie anderen belooft hen in die borgtocht schadeloos te houden.

Vgl. het volgende nr. UT 11.

De onderstaande tekst is gebaseerd op afschrift B.

Wi Otte van Buren, Zueder van Bloemensteyne^c, Ghisebrecht^d van Cats ende Jan van Salmonde maken cont allen luden dat Ghisebrecht^e van Cats voerscreven in onser jeghenwordichede quam in Culenburgherbroec^f int Rietvelt in sijn selves gherechte voer Janne den Cuper sinen scoute, vor Willem^g den Sluter, lantghenoeten, ende voer vele van den gheburen die daer naest gheseten sien van Lansmaer^h, ende gaf Yolkenⁱ Hacken van Malsem^j tote eens edels prenchen behoef, ons liefs heren sgraven van Henegouwen^k etc., enen vrien eyghendoem van III hoeven^l lands legghende int Rietvelt voers., die Ghizebrecht^m voers. legghende hadde alre naest boven Paveyen kerchof, daer die ene hoeve an die ene zide leghet an Paveyen kerchof voerscreven, ende die selve hoeve ende beide die ander hoeven sien anders an allen ziden beleghen mitter heren lande van Sinte Pieters tot Utrechtⁿ, dat Jan ^o van Culenburch van den here voerscreven in pachte hout; ende dese drie hoeven lants also alsi gheleghen sijn worden daer vri ghekennet, ende Ghisbrecht^p voers. ward daer daer uyt ghebannen ende Hacke voers. daer in ghebannen tote ons heren sgraven behoef voernoemd^q, met rechte ende met ordele alsmen sculdich was te doene. Ende dat voerseide lant hebbe wi Otte^r, Sueder^s, Ghisbrecht^t ende Jan belovet te waren jaer ende dach onsen lieven here den grave^u voers. alsmen een vri eyghen erve sculdich es te waerne ende warburghen recht is; ende ic Ghizebrecht^v voers. ghelove Otten, Zuedere ende Jan voers. van deser voerseider borchtoch scadeloes te quiten.

In orkonde etc. Datum te Lancmar feria sexta ante Martini^w hiemalis anno Domini M° CCC° XIX°^x.