Registers van de Hollandse grafelijkheid 1299-1345

Bisschop Gwijde van Utrecht verklaart dat hij de goederen van Amstel en Woerden, die hij vóór zijn benoeming tot bisschop van zijn broer graaf Jan II in leen had gekregen, slechts houdt totdat de graaf die belening herroept.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. het voorafgaande nr. UT 14.

De onderstaande tekst is gebaseerd op afschrift B.

Wi Guy bider ghenaden Gods bisscop van Utrecht^a maken cond etc. dat dat goet van Aemstelle ende van Woerden^b ende al dat daer toe hoerd, dat ons onse lieve here ende broeder haer Jan van Avennes, grave van Henegouwen^c, van Holland^d, van Zeland^e ende here van Vriesland^f, ghegheven heeft voer die tijt dat wi bisscop waren tUtrecht^g te hulpen tonsen coste ende onser teringhe, kennen dat hi die vrucht, die bladinghe ende alle die vervalle van al dien goede van Aemstelle ende van Woerden^h voers. niet langer en heeft ghegheven dan te siere wille ende te sinen wedersegghen; ende so wanneer dat hi of sine nacomelinghe graven van Holland die ghifte van al dien gode voerscreven weder roupen willen, zoe zalt toe commen ende weder keren ghehelike ende al onsen lieven here ende broeder haer Jan grave voers. of sine nacomelinghen dat weder roupen zouden alse grave van Holland, ende anders gheen recht so en hebben wi noch en eeschen bi ghenen liste int voerseide goed van Aemstelle ende van Wordenⁱ ende al dat daer toe hoerd. Ende so wanneer dat hi of sine nacomelinghe graven van Holland dat goed voerscreven weder roepen ende ons weder segghen, zo zalt hem quite ende vri bliven, ende wi na dien noch niemant van onsen weghen en moghen nemmermeer recht eischen an tgoed van Aemstelle ende van Woerden^j voers.

In orkonde desen brieve bezeghelt met onsen zeghele^k. Ghedaen int jaer ons Heren M CCC ende vive in die maent van maerte.