Registers van de Hollandse grafelijkheid 1299-1345

Bisschop Frederik II van Utrecht verklaart dat zijn onkosten in verband met het herstel van de doorgebroken dijk van de Nieuwe vaart geheel zijn vergoed voor wat betreft de werkzaamheden gedaan voordat op 3 april de goede lieden van Holland te hulp kwamen, en komt met graaf Willem III overeen dat zij samen de inkomsten uit de bij de dijkdoorbraak betrokken goederen zullen innen totdat de onkosten die de graaf en diens lieden hierin hebben gemaakt zijn vergoed, en dat hij pas daarna de dubbele inkomsten zal beuren die hem krachtens zijn heerlijke rechten toekomen; voorts zullen de graaf en hij elkaar steunen mocht de inning van die gelden leiden tot onenigheid.

Vgl nrs. UT 48, 50, 53 en 54.

De onderstaande tekst is gebaseerd op afschrift B.

Wi Vrederic bi der ghenaden Gods biscop van Utrecht^b maken cond etc. dat wi over een ghedraghen sien mit enen hoghen manne, onsen lieven neve heren Willame^c grave van Heynnegouwen^d etc., ende loven hem mit trouwen, sonder alrande archeit: alse wi ende onse dijcgrave onse gheld vol ende al op gheboirt hebben mit dien coste dien wi omme die walen die op die Nuwevairt^e waren te maken ende te diken uytgheleyd hebben ter tijt toe dat die goede lude van Holland^f op die wale bestonden te diken, dat es te wetene in Palmavonde^g die nu lest was^h, zo sullen wi ende onse neve die grave voirs. ghelike gheldⁱ dat van den walen comen mach, eest van der gheenre goede die in den walen comen sien ende noch mit rechte comen moghen jof van der gheenre goede die hoir land mitten walen bevloit gheweest hevet, ghelike op boren ende deelen ter tijd toe dat die grave alsulc ghelt op gheboirt hevet als hi ende sine lude uytgheleyt ende vercoft hebben in redeliken coste, ende noch sullen, omme die walen te diken; ende alse die grave sinen cost ende sijnre lude cost al op gheboirt hevet, so moghen wi onse twivoldich gheld op boren dat ons toe behoirt van onser heerlichede. Voirt wair dat sake dat ons ende onsen neve den grave enich twist jof parlement viele jof verrese omme dit voirseyde gheld intewinnen, dair sullen wi dien last ghelike draghen, ende deen den anderen helpen ende starken na al onser macht, behouden ons eeds dien wi onsen Ghestichte ghedaen hebben.

In oerkonde des briefs mit onsen seghel beseghelt. Ghegheven int jaer ons Heren M° CCC° twe ende twintich des sonnendaghes na Payschen.