Registers van de Hollandse grafelijkheid 1299-1345

Graaf Willem III neemt met toestemming van heer Jan III van Diest, bisschop van Utrecht, van Hendrik abt en het convent van Sint Paulus te Utrecht al hun nader omschreven goederen in de Zwijndrechtse waard en de Riederwaard in pacht, voor 100 pond zwarten Tournois jaarlijks, met de bepaling dat wanneer hij de pacht niet op de vastgestelde dagen of binnen veertien dagen daarna betaalt de pachtsom voor die termijn verdubbeld zal worden, en dat wanneer hij daarna niet binnen zes weken betaalt het goed weer aan het klooster zal vervallen; de oorkonde wordt medebezegeld door heer Jan van Henegouwen, heer van Beaumont, heer Gerard heer van Voorne, burggraaf van Zeeland en schepenen en Raad van Dordrecht.

Vgl. nrs. UT 42 en 43.

De onderstaande tekst is gebaseerd op afschrift B.

Wi Willaem^c bi der ghenaden Gods grave^d van Heynnegouwen^e etc. doen te weten etc. dat wi bi ghemenen consente ons lieven neven heren^f Jans van Diest, des biscops van Utrecht^g, ghepacht hebben tieghens gheestelike lude heren Heynric^h abt ende tieghens dat ghemene convent van Senteⁱ Pouwels tUtrecht^j ewelike alse toit enen eweliken pachte al hoir ende hoirs^k godshuys goed dat gheleghen es binnen den palen van Zuyndrecht^l ende Heren^m Heyen land ende in die lande tuischenⁿ die Merewede^o ende die Dubbel, streckende an Berendrecht^p ende tuyschen Riederwairt^q ende Dordrecht^r, is dat erve, tiende, tins, pacht, ghifte van kerken, gherechten hoghe ende laghe, leen manne ende manscippe, ende ghemenlike al dat goed dat si dair hebben mit alle dien rechte dattet gheleghen is, sonder arghenlist, om hondert pond zuarter Tornoyse^s, enen goeden coninx Tornoyse^t voir sestien penning gherekent^u of ander goed payment dair voer, te betailen dien voirseyden abt of^v sinen nacomelinghen die wesen sullen elcs jaers^w op onsen of^x onser nacomelinghe dair dat voirseghede^y op comen sal, cost^z, anst ende arbeyd, sonder archeyt, tUtrecht in dat^a' cloester van Sente^b' Pouwels alle jare die comen sullen na date van desen brieve, die ene helfte van dien voirs. hondert ponden te sente Jans misse te midzomer^c' ende die ander helfte te sente Martijns^d' misse in den winter^e' of binnen viertien daghen na elken termine onbegrepen. Wair dat wi of onse nacomelinghe des niet en daden ende dien pacht niet en betailden toit elken termine of binnen viertien nachten dair na alse voirscreven es, so waer wi of onse voirseyde nacomelinghe sculdich te betailen tUtrecht in allen puynten dattet voirscreven es van dien termine die helfte meer, binnen ses weken na den voirseyden viertien daghen; waer oec dat wi of onse voirs. nacomelinghe dien dubbelen pacht^f' niet en betailden tUtrecht binnen den voirscreven ses weken in allen manieren alset voirscreven es, zo verloren wi of onse nacomelinghe al dat recht dat wi of onse voirs. nacomelinghe hebben of hebben mochten an dien voirscreven goede, ende dat goed quame weder vri ende los ane die voirs. abt, convent ende hoir godshuys, sonder enich wedersegghen. Mit dusghedanighen^g' vorwairden dat wi ende onse nacomelinghe sullen houden dat voirs. goed ende des voirs. abts ende sijns godshuys van Sente^h' Pouwels manne alse van goede dat binnen den voirs. palen gheleghen es ende hoir rechte leen volghere, in alle dien rechte dat dat goed gheleghen es ende alse die voirs. manne dat goed houden ende te houden plaghen van hem ende van horen godshuse, tenne ware dat wi of onse nacomelinghe behouden dies voirs. godshuys recht mit dier voirs. manne wille andere^i' voerwaerde makeden, sonder alrande archeyt.

Ende in orkonde alle deser dinghe zo hebben wi desen brief bezeghelt mit onsen zeghele; ende omme die mere sekerhede so hebben wi ghebeden onsen lieven broeder heren Janne van Heynnegouwen^j', here van Byaumont^k', ende onsen lieven neve heren Gherarde^l' here^m' van Voirne, burchgrave van Zeeland^n', ende onse lieve vriende die ghemene poirte van Dordrecht dat si desen brief bezeghelt hebben malic mit sinen seghel. Ende wi Jan van Heynnegouwen^o', here van Byaumont^p', Gherard^q' here van Voirne, burchgrave van Zeeland^r', scepene ende die ghemene Raed der poirte van Dordrecht hebben desen brief bezeghelt om bede ons lieven heren heren Willaems^s', graven^t' van Heynnegouwen^u' etc., mit onsen seghelen in orkonde deser dinghe. Ghegheven int jaer ons Heren M CCC drie ende twintich des anders daghes na sente Barthelmeus^v' dach.