C
Graaf Willem III neemt abt en convent van Sint Paulus te Utrecht in bescherming alsmede hun boden en hun in zijn landen gelegen goederen, en beveelt al zijn gerechtsdienaren daarnaar te handelen.
Comes de eodem.a
In de linker- en rechtermarge een kruisje.
Vgl. nrs. UT 42 en 44.
De onderstaande tekst is gebaseerd op afschrift B.
Wi Willaem bi der ghenaden Gods grave van Heynnegouwenb, van Hollandc etc. doen verstaen allen den ghenen etc. dat wi den abt van Sented Pouwels tUtrechte ende sine nacomelinghe, sijn convent ende hoir boden ende alle hoir ende hoirs godshuysf ghoed, wair datter gheleghen is in onsen lande, nemen ende ghenomen hebben in onse bescermte ende in onsen gheleyde tyeghens alle die ghene die in onsen g of comen sullen; dair omme so ombieden wi allen onsen bailiuwen, scouten, scepenen ende rechteren ende allen onsen lieden die recht voeren in onsen lande dat si dien voirs. abt, sijn convent, hoir bode, hoir ende hoirs goedshuys goed bescermen van allen ghewelde, cracht ende onrechte, ende dat si hem gheonstich sien toit horen rechte, ende doen hem een onvertoeghen recht van allen den ghenen, wie si sijn, dair si mit rechte yet op te segghen hebben ende dat toe brenghen moghen, alse recht is.
In orkonde deser dinghe zo hebben wi etc. Ghegheven int jaer ons Heren M CCC drie ende twintich des anders daghes na sente Bartelmeush dach.
Istam litteram dedi Enghelbertoi.