Registers van de Hollandse grafelijkheid 1299-1345

Graaf Willem III verklaart van Jacob Jansz., burger van Utrecht, de oorkonde ontvangen te hebben waarin hij erkent zijn borgen jegens Zweder van Montfoort 1000 pond Tournois schuldig te zijn, alsmede de 2000 pond Tournois die hem toekwam vanwege zijn uitspraak in het geschil tussen Zweder en diens zoon Rover.

Voor de grafelijke uitspraak in het geschil tussen Zweder van Montfoort en diens zoon Hendrik de Rover zie nr. UT 46; vgl. voorts nrs. UT 34 en WO 70 en 71.

De onderstaande tekst is gebaseerd op afschrift B.

Wi Willaem^b grave^c van Heynnegouwen^d etc. maken cond etc. dat Jacob Jans sone, borgher van Utrecht^e, ons ghelevert heeft bi onsen trouwen luden Jan van Rosenburch ende Jan van den Werve, van wien dat wise ontfanghen hebben, enen open brief die sprect van dusent ponden Tornoyse^f, bezeghelt mit onsen zeghele ende mit andre lude zeghele die onse borghe waren jeghens Zueder van Montfoirde, wien dat wi die dusent^g pond Tornoyse sculdich waren; ende dair toe so hebben wi noch ontfanghen van den voirghenoemden Jacob Jans sone bi onser voirnoemde lude hand twe dusent pond zuarter^h Tornoyse, die wi ons selven toegheseyd hadden int segghen dat wi seyden tuyschen Zueder van Montfoirde ende Rover sinen sone. Van den welken brieveⁱ ende van den twe dusent ponden voirscreven wi houden ons wel ghepayd, ende scelden dair of quite Zueder van Montfoirde.

In orkonde etc. Ghegheven in die Haghe des dinxendaghes na onser Vrouwen dach na den oichste int jaer ons Heren^j M CCC° drie ende twintich.