Registers van de Hollandse grafelijkheid 1299-1345

Bisschop Jan III van Utrecht stelt heer Hendrik van Loenersloot, deken van Sint Jan te Utrecht, aan tot officiaal van het bisdom Utrecht, heer Zweder van Abcoude als tolgaarder te Rhenen, heer Arnoud van IJsselstein als kastelein van Stoutenburg en schout van Amersfoort, Eenland en de daarbij behorende ambachten, en heer Steven van Zuilen als rentmeester van alle inkomsten aan deze zijde van de IJssel, uitgezonderd die van het gruithuis te Utrecht, uit welke aanstellingen zij in drie jaar de inkomsten zullen trekken totdat hun de 3.000 pond zwarten Tournois zijn terugbetaald die zij hem hebben geleend; de bisschop stelt hen in hun functies onder de bescherming van graaf Willem III, die de oorkonde meebezegelt.

Vgl. nrs. UT 137, 139 en 143.

Wi Jehan^b bi der^c ghenade Goids biscop tUtrecht^d maken cond allen den ghenen die desen brief zullen sien horen lesen^e dat wi met goeder voirsienicheyt hebben gheset ende setten eersamen luden alse heren Henric van Loenresloten, deken van sinte Jehan^f tUtrecht^g, in onser officialiteit van onsen bisdom van Utrecht^h, heren Zueder here van Aepcoude in onser tollen te Renen op onsen huze ter Hurst ende in onsen ambachten die dair toe behoren, heren Arnoudeⁱ van Yselsteyne up^j onsen huze te Stoutenberch  ende int scoutambocht van Amersfoerde^k, van Eemland, ende in anders den scoutambochten die toit dien ambochte behoiren, ende haren Steven van Zulen in al onser rentemeister ambacht an deser side der Isel^l, uutghenomen onse gruuthuus tUtrecht^m med dien dat den huze toe behoirt, alse voir eenre summe van drien dusentich ponden suarter Tornoise die si ons ghelient hebben ende wel betailt, wilke drie dusentichⁿ pond voirs. wi ghekeert hebben in ons Ghestichts oirbair; ende voir dese voirghenoemde drie dusentich pond zoe wil wi dat dese vier heren voirsproken bliven sitten ende ghebruken vrielijc in allen ambochtem voirscreven dair wise inghesed hebben, tote dier tijt toe dat si dese voirseyde drie dusentich pond up gheboirt hebben te goeder rekeninghe of dat wise hem betailt hebben, sonder alrehande archeyt, ende behoudeliken deser vier heren voirsproken al^o hore brieven die wi hem voir dese tijd ghegheven hebben up dese voirscreven ambachten. Voirt sient voirwairde dat dese vier heren voirghenoemt hoer gheld innen sullen binnen drien jaren nae sente Pieters daghe ad cathedram^p naist comende; ende gheviel desen vier heren voirs. of enich van den vieren enich hinder, commer of stoet an desen^q voirscreven brieve oft tgoet dair wise in gheset hebben binnen desen drien jaren voirghenoemt van ons of van onsen nacomelinghen, zoe hebben wi ghebeden enen edelen prinche ende enen moghenden, onsen lieven neve heren Willame^r grave^s van Heynnegouwen^t etc. dat hi deser vier heren voirs. hulper wesen wil ende bliven toit dier tijd toe dat si thoer in hebben alse voirscreven es, sonder alrehande archeyt.

Ende wi Willaem^u grave etc., omme bede willen ons liefs neves^v heren Jehans^w biscops van Utrecht^x ende om ghoeder^y jonste die wi toit hem draghen, hebben gheloeft ende loven desen vier heren voirscreven: wair dat sake dat desen vier heren voirs. enich hinder ofte commer gheviel in enighen ponten die voirscreven sien alse van dien drien dusentich ponden voirghenoemt^{z a'} thoer in hebben in allen manieren alse voirscreven is, sonder alrehande archeyt.

In orkonde der wairde zoe hebben wi Jan bi der ghenade Goids biscop tUtrecht^b' ende wi Willaem^c' grave van Heynnegouwen^d' etc. desen brief bezegheld med onsen zeghelen, int jair ons Heren M° CCC° XX VIII des manendaghes nae ons Heren Hemelevaird.