Registers van de Hollandse grafelijkheid 1299-1345

Graaf Willem III stelt met heer Zweder van Abcoude, ridder, de voorwaarden vast van het huwelijk tussen jonkvrouw Sibille, dochter van heer Wolfert (van Borsele), nicht van de graaf, en Jan van Culemborg, neef van heer Zweder; heer Zweder en een aantal met name genoemde personen, welke allen de oorkonde mede bezegelen, stellen zich borg dat Sibille gelijftocht zal worden volgens de bepalingen van de overeenkomst, en beloven bij niet naleving ervan te Oudewater in leisting te gaan.

Gezien de data van de in het register voorafgaande en volgende oorkonden is de onderstaande tekst in de tweede helft van november 1328 ingeschreven in A.

Wi^b Willaem^c grave van Heynnegouwen^d, van Holland^e etc. maken cond etc. dat wi med heren Sueder van Abcwoude^f, ridder, over een ghedraghen sien eens witelix huwelix tuschen joncfrouwen Cybelien heren Wolfards^g dochter, onser nichten, ende Janne van van Culenburch, sinen neve, in sulker manieren als hier nae volghet^h. In den eersten zoe sal Jan hebben med joncfrouwen Cybelien alsulc goed als hair nu van rechte toe behort ende hair verstorvenⁱ es van haren^j vader ende van haren^k oem, ende alsulke besterfte alze hair metten rechte besterven mach van hare moeder^l jof van wien dat het si; ende dat sullen wi hair vryen alse recht es. Vort es voirwairde: want Jan voirs. noch binnen twien jaren op sijn goet niet comen en zal, dat hi hair maken zal toit haren lijftochte^m binnen desen drien jaren naest comende drie hondert pond Tornoyseⁿ sjaers, enen groten Tornoyse^o over sestien peninghe gherekent, ende hair bewisen alzoe weseliken dats ons ghenoeghet. Voirt^p waer dat sake dat Jan storve binnen desen twien jaren eer hi op sin goet quame ende hi kinder liete bi joncfrouwen Cybelien, waert soen jof dochter, zoe soude al sijn goet dat hem nu van rechte toe behoert op^q die kinder comen ende des vryeliken ghebruken, ghelic^r jof Jan vryliken^s in sinen goede gheseten hadde, behouden den rechten monbair sijns rechts van ziere monbairscip. Voirt^t est voirwairde: storve Jan voirs. sonder kint^u van joncfrouwen Cybelien, ^v soe^w soude joncfrou Cybelie vry sonder scout^x uytgaen te ghelden^y med alsulken goede als si ane Janne^z ghebrocht hadde ende als hare ane bestorven^a' ware van haren weghen ende med hare lijftochte voirscreven; storve oec joncfrou Cybelie sonder kint van Janne voirscreven, soe souden hair erfnamen vry sonder scout te ghelden nemen alsulc goet als si ane Janne ghebrocht hadde ende al sulc goet als hair van haeren weghen ane^b' bestorven ware, ende Jan soude bliven ghehelijc^c' ane al den anderen goede.

Voert gheloven wi Zueder van Abcwoude^d' ridder, zaecwoudich voir Janne voirscreven, ende wi Janne here van Arkel, Ghizebrecht^e' here van Yselsteyne, Zueder^f' van Vyanen, Aernt van Hoekelen, ^g' Jan heren Arnts sone van Hekelen^h', ridderen, ende Dieric van Justfaes  knapen, borghe met heren Zueder voirs., onsen here den grave voirscreven dat wi joncfrouwen Cybelien hare lijftochte sullen doen maken binnen drien jaren naest comende, alsoe groet ende in^i' allen manieren alse voirscreven es; ende deden wi des niet, soe soude wi tote ons heren sgraven vermanen jof tote zijns ghewaerds bode in comen tote Oudewater^j' leesten in ene^k' herberghe dair hi ons wisen soude ons selven te winnen, ende onser ghene van dane te sceyden noch der borchtochte quite wesen eer joncfrouwen Cybelien hair lijftochte ghemaket ware alsoe dats onsen here den grave voirs. ghenoeghede, ende dat wi onsen cost betaeld hadden wel^l' ende al binnen der herberghen dair wi ghewijst waren. Mair wair dat sake dat onser enich selve^m' niet leesten en mochte, soe soude elc van ons ridderen voirscreven twee wel gheboren goede knapen in sine stede legghen ende Dieric van Justfaes enen leesten, in allen manieren alze voirscreven es. Storve oec onser enich voir die tijd dat joncfrouwen Cybelien hare lijftochte ghemaket ware ^n' alze voirscreven es, soe soude Jan van Culenburch jof die here van Abcwoude^o' voir hem ^p' enen anderen borghe in^q' sine stede setten die onsen here den grave ghenoeghet ende weseliken ware, binnen eenre maent nae des gheens^r' doit diere ghestorven ware; deden si des niet, souden wi tote des graven vermanen jof zijns ghewaerd bode incomen leesten tote Oudewater in allen manieren alze voirscreven is, ter tijd toe dat si enen anderen borghe in die stede gheset hadden. Ende alle stucken voirscreven sonder arghenlist.

Ende omme dat wi alle voirscreven^s' elc alsoe als hi hem verbonden hevet alle pointen voirscreven witteliken ende trouweliken houden willen, zoe hebben wi alle desen brief open bezegheld med onsen zeghelen. Ghegheven tote Sinte^t' Gheerden berghe^u' op sinte Jacobs avond int jaer^v' ons Heren dusent drie hondert acht ende twintich.