Registers van de Hollandse grafelijkheid 1299-1345

Graaf Willem III geeft Jan van Lichtenberg, aan wie naar diens zeggen door de stad Utrecht onrecht is aangedaan met betrekking tot zijn huis Lichtenberg, dit ondanks een grafelijk verzoek zulks na te laten, toestemming om met diens vrienden de stad en haar burgers schade te berokkenen in Holland, Zeeland en Friesland.

Vgl. de volgende nrs. UT 122-123 alsmede nr. GE 39.

Wi Willaem^a grave etc. maken cond etc. Omme des willen dat Jans^b van Lichtenbergh voirvoirders ende vriende ons ende onsen^c onsen voirvoirders dicken ghedient hebben^d ende him die stat van Utrecht veronrecht an thuys te Lichtenberch als hi seghet, dair wi der voirs. stat omme ghebeden hebben dat sien niet veronrechten en willen, des si niet doen en wilden omme onser beden willen, zo hebben wi Jan van Lijchtenberch^e ende sinen vrienden gheoirloft ute ende in te riden onse land van Holland^f, van Zeeland^g, van Vriesland open ende scade te doene binnen onsen lande der stat ende den borghers voirscreven, toit alre tijd^h als sijs ghestaet sien; ende dit en zullen wi Janne voirs. noch sinen vriende niet weder segghen, ten ware dat sake dat die voirseyde stat van Utrechtⁱ ende hoir borghers van alre zake ons gheloven wilden die zi jeghens him te doen hebben.

In oirkonde etc. Ghegheven in die Haghe op sente Servaes^j dach int jaer ons Heren M CCC XXIX.