Registers van de Hollandse grafelijkheid 1299-1345

Bisschop Jan III van Utrecht gelast zijn broer heer Thomas van Diest, kastelein van Vollenhove, zijn neef heer Willem van Boxtel, kastelein van Ter Horst, en zijn neef heer Arnoud van IJsselstein, kastelein van Stoutenburg, die samen met enkele andere met name genoemde personen zich borg hebben gesteld voor een bisschoppelijke lening van 4.000 pond Tournois en hem dat bedrag hebben voorgeschoten, dat zij hun kastelen niet aan een ander zullen overdragen tenzij in opdracht van graaf Willem III, die heeft beloofd de borgen bij te staan wanneer zij worden gehinderd bij de inning van genoemde schuld; de oorkonde wordt meebezegeld door de drie kasteleins.

Vgl. nr. UT 144, een oorkonde van dezelfde datum met een grotendeels overeenkomstige inhoud. Vgl. voorts nrs. UT 114, 137 en 143.

Wi Jan bi der ghenaden Gods biscop van Utrecht^b maken cond etc. Want een edel ende^c moghende prinche hair Willaem^d grave etc. onsen borghen, die wi sculdich^e sien ende si uyt ghedaen hebben ende fineert, alse heren Florijs van Jutfaes, Domproist van Utrecht^f, heren Heynric^g van Loenreslote^h, deken van Sente Jans toit Utrechtⁱ, heren Ghisebrecht^j here van Yselsteyne, heren Rutgheer uten Wairde^k, heren Zueder van den Boetselaer^l, heren Thomas^m van Diest onsen broeder, heren Arnoud van IJselsteyne, heren Willaemⁿ van Bocstel onsen neve ende heren Steven van Zullen, IIII^M pond zuarter Tornoyse^o, den ouden groeten over sestien penning gherekent, heeft gheloft wart^p dat hem enich hinder ofte commer gheviele alse van der bewisinghe ende betailinghe van den IIII^M ponden Tornoyse^q voirscreven, alse die brief dair of spreket die die grave voirs. hem dair of bezeghelt heeft mit ons, dat hi hoir hulper dair of wesen zal ende bliven toter tijd dat die voirs. borghen dat hore in hebben na der maniere van den brieven dair op ghemact; so hebben wi, dien^r grave voirseyd van deser beloftocht^s ende sekeringhe te ontheffen ende de bed te bewaren ende om^t te houden dair of sonder scade, bevolen ende bevelen mit desen brieve heren Thomas^u van Diest^v, onsen broeder voirs. ende onsen borchsate van Vollenhoe, heren Willaem^w van Broecstel, onsen neve voirseyd ende onsen burchsate van ^x der Horst, ende heren Arnoude van Yselsteyne, onsen neve voirs. ende onsen burchsate van Stoutenberch, dat si onse borghe ende huse voirscreven niemand op leveren noch in handen lait comen ten sie bi sgraven wille voirscreven, mair dat sire op bliven ende onder houden tote sgraven behoef voirs. toter tijd toe dat wi hem van dier beloifte ende sekeringhe die hi onsen borghen voirscreven ghedaen^y hevet, alst voirscreven es ende openbair es bi sinen openen brieve, ^z ontheven hebben ende scadeloes ghehouden, sonder archlist.

Ende wi Thomaes van Diest, Willaem^a' here van Boescstel^b' ende Arnoud van Iselsteyne^c', riddere, burchsaten van den husen voirscreven, omme onsen lieven here den grave voirghenoemd^d' de bed te versekeren ende te bewaren in desen stucken beloven^e' ende verbinden ons selven bi onser trouwen ende sekerhede ende bi bezuoren ede, als bi bevelnisse ons liefs heren des biscops voirs., dat wi noch onser ghene die voirs. huise niemant op leveren en zullen noch in handen laten comen ten sie bi ons heren sgraven wille voirs., mair dair op te bliven ende onder te houden toit sinen behoef^f' toit der tijd toe dat hi van der belofte ende sekerhede alst voirs. es quite ende scadeloes ontheven si, sonder archlist. Ende ware^g' dat^h' sake datter enich van den drien^i' burchsaten voirscreven storve, zo gheloven wi Jan biscop voirnoemd^j' dat wi dair op enen anderen setten zullen bi sgraven wille ende rade, ende zo sal die ander burchsate eer hi op den huse comet^k' hem verbinden mit sinen openen brieve ende bi siere trouwen ende sekerheden ende sinen ghezuoernen ede te houden sulke belofte ende sekerhede als dese borchsaten ghedaen hebben ende beloft. Ware oec dat sake dat wi Jan biscop voirs. buten lands waren ender enich van den borchsaten storve^l', zo soude die grave in sine stede enen anderen setten dair hem of dochte dat ons ende hem mede gheholpen ware, ende verbinden hem ende beloven^m' in der manieren dat voirscreven es.

In kennessen hier of ende omme dat wi dit trouweliken houden sullen ende willen, so hebben wi Jan bi der ghenaden Gods biscop van Utrecht^n', Thomaes van Diest, Willaem^o' here van Boecstelle ende Arnoud^p' van Yselsteyne voirscreven desen brief etc. Ghegheven toit Utrecht^q' op sente Pieters dach ad cathedram int jaer ons Heren M CCC een ende dortich.