Registers van de Hollandse grafelijkheid 1299-1345

Bisschop Jan III van Utrecht en graaf Willem III stellen Wouter Gerard Simonsz., knaap, aan tot maarschalk van het Sticht Utrecht aan deze zijde van de IJssel, wiens ambtsgebied gelijk zal zijn aan dat van de maarschalk ten tijde van bisschop Gwijde, met uitzondering van de landen van Amstel en Woerden, die tot het graafschap behoren; de graaf beveelt heer Jan van Polanen, baljuw van Rijnland en Woerden, en zijn andere baljuws dat deze Wouter bijstaan wanneer die wordt gehinderd in de uitoefening van zijn ambt.

Vgl. nrs. UT 136 en 142.

Wi Jan^b bi der ghenaden gods biscop tUtrecht^c ende wi Willaem^d grave etc. maken cond etc. dat wi bevolen hebben ende bevelen mit desen brieve Wouter Gheride Symons f.^e, onsen knape, dat marscalcambocht^f van den Stichte van Utrecht^g op dissijt der Isel te bedriven ende te verwaren toit onser eren ende toit des biscops ende des Ghestichts oirbair, ende willen dat hi sine pande^h sende over al int Ghestichte in alle dien steden dair die biscop Ghye sine pande te sendeⁱ plach ter tijd toe dat sijt toghen wair bi dats niet wesen en sal, behouden ons graven onse palen ende onse lande van Aemstel ende van Worden ende anders onser heerlichede dair wise legghen hebben ende onser brieve die wi ghegheven hebben. Ende wair dat sake dat Wouter hier in enighen stoet hadde jof datten yemant wederstonde, alse verre als hijt doit^j bi ons of bi onsen Rade van Holland^k, so ombieden wi u heren Janne van Polanen onsen bailiu van Rijnland ende van Voerden^l ende anders al onsen bailiuwen van onsen lande van Holland^m, van Kennemairland, van Vriesland ende van Aemstelreland dat ghi Wouter Gheridⁿ also te hulpe comet als ghijs van hem vermaent wort, dat hi onse ere ende tGhestich oirbair verwaren moghe; ende wair yemant diene hier in wederstonde, dat houden wi ane sinen live ende sinen goede. Ende hier of sal hi ons gode rekeninghe^o doen of den ghenen^p dien wijt bevelen sullen; dit sal gheduren tonsen wedersegghen.

In orkonde etc. ^q Ghegheven in die Haghe des dinxendaghes na Paischen int jaer ons Heren M CCC een ende dortich.