Registers van de Hollandse grafelijkheid 1299-1345

Graaf Willem III bevestigt ten overstaan van enkele met name genoemde leenmannen de schenking door Pelgrim Willemsz. uit Lopik aan Haze Willems, echtgenote van diens zoon, van een lijftocht bestaande uit een jaarrente van 15 pond Tournois uit 15 morgen land in het bovenste gerecht van Lopik.

Wi Willem^a grave^b van Heynnegouwen^c etc. maken cond etc. dat Pelegrijm^d Willems^e sone ute Loipwijc^f mit onser hand ghemaect heeft Hasen Willems^g, sijns soens wijf, toit hoirre lijftocht XV lb. Tornoyse^h sjairsⁱ op XV morghen lands legghende int over gerechte van Loepwijc^j, binnen desen marken: Boekels land van den Vliete op die oyst zide ende Jan Pelegrijms soens land, dat Gherits^k kinder was over Rijn, op die west zide; in wilker lijftoch wi gheloven te houden Hasen voirs.^l als wi sculdich sien te doene na zede ende costume van onsen lande. Hier over waren onse manne hair Daniel van der Merewede^m ende hair Willemⁿ van Duvenvoirde, ridderen, ende Tyelman^o die Meulnair^p, knape.

In orkonde etc. Ghegheven toit^q Dordrecht^r des woensdaghes na meyedach int jair ons Heren M drie hondert drie ende dortich.