Graaf Willem IV geeft Jan van Zabben en diens broer Gillis 10 gemet land in het nieuwe land bij Voortrap, tot wederopzeggens, welk land zij ook al hadden ontvangen in een oorkonde van graaf Willem III, welke gecancelleerd is.
Jan van Zabbena ende sijn broeder Gillijsb.
Wi Willaem ..grave van Heynnegouwenc etc. maken cond allen luden. Want onse lieve here ende vader, dair God die ziele of hebben moet, met sinen brieve, die ghescoert es, ghegheven hadde Jan van Zabbend ende Gillijse sinen broeder op sinte Laurens avondef in die Haghe int jair ons Heren M° CCC° sesse ende dortich tien ghemete lands ligghende bi Voirtrappe int nieweland, die Diericg Arnouds sone plach in pachte te houden, horen oirbair mede te doene durende toit onsen wedersegghen toe, soe hebben wi Janne ende Gilliseh sinen broeder voirs. sulken gratie ghedaen dat wi hem ghegheven hebben ende gheven dese tien ghemete lands voirscreven horen oirbair mede te doen, durende tot onsen wedersegghen toe; ende ombieden Vrancken Natereel, onsen rentemeyster van Bewester scelti in Zeellandj, dat ghi hem luden die tien ghemete lands voirs. ghevet ende bewijst van onsen weghen, ende ghebruken laet in der manieren alst voirscreven es.
In orconde desen brieve bezeghelt met onsen seghele. Ghegheven te Zierixzee des saterdaghes op sinte Lucas dach int jair ons Heren M° CCC° zeven ende dortich.
Per dominum Nycolaumk Kervinc et Franconem receptorem.