Registers van de Hollandse grafelijkheid 1299-1345

Graaf Willem IV, die eerder met Frank Natereel, rentmeester van Bewesten Schelde, uitspraak had gedaan waarbij hij zijn neef heer Floris van Haamstede de goederen van wijlen Nicolaas Thonisz. van Kortgene zou toekennen in ruil voor een som gelds, verklaart dat heer Floris hem die som geheel voldaan heeft.

Vgl. het voorafgaande nr. WI 57.

Willaem ..grave van Heynnegouwen^b etc. maken cond allen luden dat wi met goeden voirsiene bi Vranken Natereel, onsen rentemeyster van Bewesterscelt^c in Zeelland^d, een segghen gheseit hebben in die Haghe sdinxendaghes voir Palmedach int jair van achte ende dortighen^e tuschen ons ende heren Florens van Haemstede^f, onsen neve, alse van den goede dat onsen lieven here ende vader, dair God die ziele of hebben moete, ende ons ane quam van Clays Thonijs sone van Cortekene, wilc goed wi heren Florens voirs. ghegheven hebben up onse ende Vranke voirs. segghen, ende here Florens voirnoemt onse ende Vranken segghen dair of gheloeft heeft te houden bi sinen opene brieve, die onder heren Jacob van Mabuege laghen bi ons, ende nu ghescoert sien bi onsen behieten; in wilken segghene wi ons toe gheseit hebben bi Vranken Natereel onsen rentemeyster voirs. ene somme van ghelde voer dat goed, die ons heren Florens van Haemstede^g onse neve voirnoemt vol ende al betailt hevet den eersten penninc ende den lesten, dair wi ons wel of ghenoghen laten voir ons ende voir onsen nacomelinghen, ende scelden heren Florens voirs. ende sinen nacomelinghen dair of quite.

In orconde etc. Ghegeven tote Berghen in Heynnegouwen^h up den eersten sonnendach van aprille int jair neghen ende dortich.