Registers van de Hollandse grafelijkheid 1299-1345

Burgemeesters, schepenen en Raad van Damme beloven graaf Willem IV dat zij de lading wijn die deze door middel van hun oorkonde had gerestitueerd aan de wijnkoopman Pieter Berbigier uit Saint-Jean in Saintonge en diens compagnon Jan Groes, die door inwoners van Zierikzee op zee beroofd waren als repressaille voor een eerdere aanslag die door hun schipper was gepleegd op een schip uit Zierikzee, voor de duur van een jaar en een dag zullen beheren en de eventuele aanspraken van andere partijen daarop zullen afhandelen zonder dat de graaf daar schade van ondervindt.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi burghermeysters, scepene ende Raed van den Damme in Vlaenderen^a maken cond allen luden dat voir ons comen es Pieter Berbighier, coepman van wijne van Sinte Jans in Scansconyen, vor him selven ende voir Jan Groes van Sinte Jans voirs. sinen gheselle, wies procureere hi es, ende hevet verliet dat hem een hoghe prence ende een moghende here Willaem^b, grave van Heynnegouwen^c, van Holland^d etc., hevet doen vriendelike delivereren hore wine, alse van Pieter voirs. tot sijns selves behoef ende een en dortich vate ende zes pipen wijns, ente Jans behoef voirs. drie ende tsestich vate ende zes pipen wijns, dien die van Zierixe alse Hannekijn Stuvesant ende Clays Heymen soen ghewonnen hadden op die zee in een scip dat hiet Sinte Salvatoer van Gherande, dair meester of was Alaeyn die Fransoys, wilke Alayn voirs. ende sijn gheselscip dien van Zierixe voirs. mitten selven scepen een scip ghenomen hadden ende die sciplude van Zierixe van den scepe doet ghesleghen hadden, als si seyden, in die havene tot Oeloene in Pentau, bi nachte, sonder enighe misdaet; wilke Pieter voirs. him sere belovede, want alle sine^e voerwairde also als sine certe partie helden volcomelike voldaen waren, sonder enich ghebrec, ende hevet gheloeft voir hem ende voir Jan Groes sinen gheselle ende^f horen vrienden den grave van Heynnegouwen^g, van Holland^h voirs. ende sine goede lude van Zierixe ende anders sinen goeden luden van sinen lande bedanken ende hoirs te beloven ende hier of onghemoyt laten, ende nimmermeer yet te eysken, noch hi noch Janⁱ Gros noch hore vriende. Ende omme dat die grave van Heynnegouwen^j ende van Holland^k voirs. alle dese wine bi onsen brieve den coepmannen voirs. deliverereert hevet, soe gheloven wi hem: wair dat zake dat binnen jare ende daghe naist comende enich clagher dair nair quame diere beter recht ten wine voirs. toghen mochte dan Pieter ende Jan voirs., dat wi dien clagher stillen souden ende voldoen buten sgraven scade van Heynnegouwen^l ende van Holland^m voirs. of sijns lands.

In orconde der waerheden hebben wi desen brief bezeghelt mit onser stede zeghele voirs. Ygheven int jair ons Heren M° CCC° ende XL° up den vierden dach van aprijle voir Paeschen.