Wolfert van Borsele, heer van Veere, lijftocht zijn echtgenote Hadewij van der Eem, vrouwe van Veere, met 500 pond zwarten Tournois jaarlijks uit de erven, pacht en tienden te Vrouwenpolder en uit de grote haringtol te Veere, en, wanneer dit alles niet genoeg opbrengt, uit het maalrecht te Veere; de oorkonde wordt meebezegeld door graaf Willem IV, Wolferts leenheer voor die goederen.
Douarye Hadewich vander Heyme, huysvrouwe Wolfaerts van Borssele herea vander b Vere.
Ic Wolfairt van Bersele, here van der Vere, make cond ende kenlic allen luden dat ic ghelovede Hadewich van der Heyme, minen ghetrouwen wive, vrouwe van der Vere, doen icse nam VCc lb. zwarter Tornoysed tsyairs tote hare lijftochte, die wilke VC lb. tsyairs ic hair make ende bewise op minen polre benoerden der Vere die gheheten is der Vrouwen polre van Voirne, op alle die erve, pacht ende tiende van den polre voirnoemd ende op die groete tolne in die harinc tijt ter Vere, alle jare also langhe als si leeft van desen voirghenoemden goede hair VC lb. voirscreven in tenemene. Wair oec dat zake dat dit voirscreven goed ergher ware ofte worde jairlix dan VC lb. zwarter Tornoysee, dat bewise ic hare in tenemene hair ghebrec op die maelrie van den dorpe ter Vere, des si hair VC lb. vol ende al heeft alle jare.
Bezeghelt mit minen zeghele uuthanghende. Ende omme dat ic Wolfairt voirghenoemd dit voirscreven goed houde van minen lieven here den grave van Heynnegouwenf etc.te liene houde ende ix buten him niet becommeren en mach, dair omme versoec ic ende bidde hem dat hi alle dese voirscreven zake confirmeren wille ende bezeghelen, ende Hadewich voirghenoemd hier in houden wille ende doen houden. Ende wi Willemg ..grave van Heynnegouwenh etc. om versoeke heren Wolfaerts ons liefs neven ende om dat alle zaken voirscreven mit onser hand ghemaect sijn ende wi Hadewich voirnoemd dair in houden sullen ende doen houden, soe confirmeren wi alle dese voirscreven zaken als here, ende hebbense bezeghelt mit onsen groeten zeghele uuthanghende. Ghegheven int jair XLII° op sinte Margrieteni dach in den zoemer.