Registers van de Hollandse grafelijkheid 1299-1345

Graaf Willem IV verkoopt aan Jan Hoet een stuk land in het ambacht Oude Schie in vrij eigendom, welk goed afkomstig was van Jan van der Doortoge.

Willaem ..grave van Heynnegouwen^a etc. maken cond allen luden dat wi bi Gheret^b Heynen sone, onsen rentemeyster van Northolland^c, vercoft hebben in vryen eyghen Jan Hoet een sticke lands ligghende in tambocht van der Ouder Scie dat ghehieten es die Rudighenesse, also groet ende also cleyne als si gheleghen es ende ons ane comen es van Janne van der Doirtoghe, elke morghen omme ses pond Hollands^d, dair hi ons of voldaen heeft bi onsen rentemeyster voirs. den lesten penninc mitten eersten; ende gheven Janne voirs. enen rechten eyghendom met desen brieve van den lande voirscreven, ende beloeven hem dien te waren als men een vry erve sculdich es te wairne.

In orconde etc. Ghegheven te Zierixe des donresdaghes na sente Pieters dach ingaende oichste int jair ons Heren M° CCC° acht ende dortich.