Registers van de Hollandse grafelijkheid 1299-1345

Graaf Willem IV geeft op advies van zijn oom heer Jan van Henegouwen, heer van Beaumont, en met diens toestemming, aan de poorters van Schiedam onder bepaalde voorwaarden de inkomsten uit de biertol, de waag, de meetpenning, de korenmaat en de sluis binnen de stad, ten behoeve van het onderhoud van hun haven.

De editie door Van Mieris in ChHZ is gebaseerd op vier afschriften, waarvan het laatstgenoemde het onderhavige register van graaf Willem IV betreft. Enkele variante (en soms betere) lezingen uit die uitgave worden in de noten aangegeven.

^b Willaem ..grave van Heynnegouwen^c etc.^d maken cond allen luden dat wi onsen ghemeenen poirters van onser poirte van Sciedamme, omme menighen trouwen dienst die si ons ende onsen voirvorders ghedaen hebben ende ons ende onsen nacomelinghen noch doen sullen, ende omme groten cost die si doen moeten omme hare havene te houden, bi rade ende goeddencken ons liefs oems heren Jans van Heynnegouwen^e, here van Byaumond, ghegeheven hebben ende gheven voir ons ende voir onse nacomelinghe hem ende horen nacomelinghen die poirters wesen sullen binnen onser poirte voirs. eweliken tote allen daghen ghedurende die bier tolne, die waghe, die met^f pennighe, die corenmate ende die sluys binnen onser voirnoemder poirte, dair of dat si die bate ende den oirbair hebben sullen in alle manieren als sise tote hair toe ghehadt ende ghehantiert hebben; ende hier of soe ^g si ons sculdich te dienen in onser herevaert te^h welken tiden dat ons onse ander poirte in Hollandⁱ tonser herevaert dienen sullen, met enen cogghe van XXV man up hoir selves cost. Voert soe sullen si ons ende onser liever ghesellinnen soe wannere dat wi te^j Sciedamme comen sullen van dane^k voeren op horen cost met enen cogghe wair wi wesen willen in Holland^l jof in Zeelland^m. Voert soe sullen si die voirs. sluse houden op hoeren cost ende altoes also bereet dat wi met onsen here dair doere varen moghen als wijs te doen hebben sullen; ende alle dinghe sonder arghenlist. Hier over waren als onse trouwe manne ende rade here Willaem van Duvenvoirde, here van Oesterhout, here Harbare ⁿ, ridders, meester Clays Stuuc^o, proest van Snoedelenberghe, Henric^p van Heynsberghe^q, Tielman die Moelnair ende Jan die Moelnair.

In orconde etc.^r Ghegheven tote Antwerpen in Pijnxter avonde int jair ons Heren M^o CCC^o neghen ende dortich.