Graaf Willem IV beleent heer Daniel van der Merwede, ridder, met zijn nader omschreven erf binnen Dordrecht, dat 6 pond 18 schelling 6 penning Hollands (jaarlijks) oplevert uit de betalingen van de bewoners ervan.
Her Danel vander Merwedea leen.
Boven het contemporaine volgnummer het uitgeveegde nummer CC XL.
Willaemb ..grave van Heynnegouwenc etc. maken cond allen luden dat wi omme alrehande dienst die ons onse trouwe ridder here Daniel van der Merweded ghedaen hevet, ghegheven hebben ende gheven heren Daniel voirs. ende sijne nacomelinghen van ons ende van onsen nacomelinghen te houden in erfliene alsulc erve als wi hadden ligghende binnen Dordrechte tuschen heren Daeniels camp voirs. ende tuschen den muer ende tuschen Meus Moelnaers ghaweghe toten clenen spoeikijn toe, alsoe groet ende alsoe clene als wijt dair ligghende hadden, wilc erve ons plach te renten van den luden diere op woenden ses pont achtien scellinghe ende ses penninghe Hollandsf; in welken erve wi heren Daniel ende sijne nacomelinghe houden sellen ende doen houden alse voirscreven.
In orconde etc. Ghegheven te Denremonde int jair ons Heren Mo CCCo ende viertich op den vierden dach van meye.