Registers van de Hollandse grafelijkheid 1299-1345

Graaf Willem IV vergunt Gillis van Wendelnesse dat de goederen en ambachten die deze van hem in recht leen houdt, en die Gillis eerder van graaf (Willem III) had gekocht en in recht leen had gehouden, in erfleen zullen worden gehouden, en dat, wanneer Gillis nageslacht mocht uitsterven, ze aan de oudste en meest nabije verwant zullen toevallen; voorts zal Gillis zijn ambachten houden als de andere ambachtsheren in Zuidholland.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. nr. ZH 89.

Willaem^a ..grave van Heynnegouwen^b etc. maken cond allen luden. Want Gillijs van Wendelsnesse tieghens onsen lieven here ende vaeder, dair God die ziele of hebben moete, cofte al dat ghoet ende ambochte die onsen lieven vaeder voirs. ane ghecomen waren bi Jans doet van Wendelsnesse, heren Willaems^c soene van Wendelsnesse, in wat manieren dattet hem aneghecomen was ende Gillijs voirs. van onsen lieven here ende vaeder voirnoemd ten rechten liene hilt ende nu van ons hout, soe hebben wi Gillise voirzeyt ^d dair of sulke gratie ghedaen ende doen met desen brieve voir ons ende voir onse nacomelinghe hem ende sijnen nacomelinghen dat goed voirscreven te houdene tote enen erfliene, in diere manieren dattet altoes bliven sal up die ghone die van Gillijs^e live^f voirscreven comen sien of comen sullen in wittachtigher gheboerten; ende soe wanneer niement en levede die van Gillijs live voirs. comen ware als voirscreven, soe sal dat goed voirnoemd comen op den outsten ende op den naesten die Gillise voirscreven aneghinghen van sijns vaeders weghe ende erflien waeren sculdich te nemen, ende altoes also voert te ervene als erflien sculdich is te gane, sonder arghen list. Voert van allen ambochten die Gillijs^g voirs. tieghens onsen lieven here ende vaeder cofte ende hem bi Jans doet als voirs. is ane ghecomen waren, sal hi ende sine nacomelinghe hebben alsulke vervalle als andere ambochts^h heren in Zuuthollandⁱ hebben van hueren ambochten die si van ons houden of van onsen nacomelinghe houden sullen; ende alle dinghe sonder archlist.

Ende ^j omme dat wi willen dat Gillise voirscreven ende sinen nacomelinghe van ons ende van onsen nacomelinghen in desen goede ende erfliene als voirscreven es wel ende ghetrouwelike ghehouden sien ende wesen sullen, soe hebben wi desen brief open beseghelt met onsen seghele. Ghegheven tote Berghe^k in Heynnegouwen^l des vrydaghes na Grote vastelavond int jair XXXIX^o.