Registers van de Hollandse grafelijkheid 1299-1345

Keizerin Margareta wijzigt de belening door graaf Willem IV aan Matheus van Buren met 20 pond Hollands jaarlijks uit een tiende in Riederambacht, welke jaarrente nu getrokken zal worden uit alle tienden in Zwijndrecht, of elders wanneer deze tienden uit de hand van de grafelijkheid zouden gaan; voorts vergunt zij dat dit leen ook op vrouwelijke erfgenamen mag overgaan, en stelt zij het heergewaad vast.

Voor de in onderstaande tekst genoemde oorkonde van graaf Willem IV, welke door deze was gestoken, zie nr. WI 295.

Margriete bijder genaden Goids keyserinne van Romen altois meersende, gravinne van Henegouwen^c, van Hollant^d, van Zeellant^e ende vrouwe van Vrieslant^f maken condt allen luyden dat onse lieve broeder here Willem, grave van Henegouwen^g, van Hollant^h, van Zeellantⁱ ende here van Vrieslant^j, dair God die ziel of hebben moete, gegeven hadde Matheus van Bueren^k, onsen trouwen man, twintich pont Hollands sjairs up een tiende die gelegen is in Riederambocht^l, in allen manieren ende vormen dat die brief houdt dair dese brief duer steken is, welke XX l. Hollands^m sjairs voirs. wy hem bewysen ende verleggen by sijnen wille up alle onse tienden die wy hebben in Zwindrechtⁿ; ende ombieden onsen rentmeester die nu is of namaels wesen sal dat hy Matheus van Bueren of sijnen gewairden bode alle jair als die rentmeester die tienden vercoopt of doet vercopen die geloifte laet ontfaen van dien twintich ponden sjairs voirs., in alsulken payement ende tot alsulken dagen alsmen die tienden vercoopt, soe wair of van wien dat Matheus voirs. die geloefte liefste ontfaet. Ende wair dat sake dat van die tienden voirs. verswymden of dat zij uut onser handt quamen, soe geloven wy Matheus^o van Bueren voirnoemd die twintich ponden sjairs bewysen up goeden zekeren goeden dair hy wel zeker waere. Van welken XX l. sjairs voirnoemd dat wy Matheus voirs., omme dienst die hy onsen voirvorders gedaen heeft ende ons noch doen mach, te gracie gedaen hebben in sulker manieren dat die XX l. Hollands sjairs voirs. aen ons noch ane onse nacomelinge niet versterven en sullen alsoe lange als dair yemant leeft die van Matheus lijve voirs. comen is of comen sal, zijt zone zij dochter, sonder argelist; ende te verheergewaden mit enen sperwaere.

Ende omme dat wy willen dat dit van ons ende van onsen nacomelingen Matheuse voirs. ende sijne nacomelinge inder manieren als voirs is vast, stade en wel gehouden worde, soe hebben wy desen brief open besegelt mit onsen segele. Gegeven tot Sinte Geerdenberge^p up onser Vrouwen dach nativitas int jair ons Heren duysent driehondert zesendeviertich.