Registers van de Hollandse grafelijkheid 1299-1345

Heer Hugo Mensenz., prior van Egmond, en broeder Dirk van den Zande, prior van de Dominicanen te Haarlem, geven vidimus van een oorkonde d.d. 1321 april 6 waarin Jan van Henegouwen, heer van Beaumont, en Gerard heer van Voorne, burggraaf van Zeeland, de huwelijkse voorwaarden bepalen tussen Hendrik van Brederode en jonkvrouw Isabella van Fontaines; de gevidimeerde oorkonde werd bezegeld door Hendrik en meebezegeld door de oorkonders en een aantal met name genoemde personen.

Vgl. nr. NH 118, de oorkonde waarin graaf Willem III de lijftocht bevestigt die Hendrik van Brederode aan diens echtgenote Isabella van Fontaines heeft geschonken, d.d. 1321 oktober 9. De onderstaande gevidimeerde oorkonde, waarin onder andere die lijftocht wordt afgesproken, zal derhalve vóór die grafelijke akte zijn uitgevaardigd, en is derhalve waarschijnlijk niet naar de paasstijl gedateerd, die zou leiden tot een datering op 1322 maart 29.

Zie voorts nr. WI 376, alsmede de aantekening bij nr. WI 335.

Wi hair Hughe Mensen sone, prioer van Egmonde, ende broeder Dieric van den Zande, prioer van den Jacoppinen tote Hairlem^a maken cond allen luden dat wi ghesien hebben ende ghehoert ene lettere vray ende goed ende onghequest, sprekende van wourde te wourde als hier na bescreven staet.

Wi Jan van Heynnegouwen^b, here van Byaumond, ende Gherard here van Voirne, burchgrave van Zeelland^c, maken cond allen^d luden ende kennen ende oirconden dat wi ghesproken hebben een^e wittachtich huwelic tuschen Henric^f van Brederoede^g ende joncvrouwe Ysenbeel van Fonteynes, onser liever nichten, in deser manieren dat Henric voirs. hebben sal met dier selver joncvrouwen in gherechter medegave die sestien pond en vijf scellinghe groter Tornoyse^h tsyaers die hare bewijst sien van haren broeder den here van Fonteynes, onsen lieven neve, in die tollen te Tiele ende te Litte voir hair vaderlike erve. Ende Henric voirs. sal maken der joncvrouwen voirnoemd te rechter lijftochte dat huys ende die woninghe tote Brederoede, also alse die gheleghen es, ende dair toe drie hondert pond Hollandsⁱ tsyaers, enen goeden groten coninx Tornoyse^j gherekent voir acht pennighe, of payment dat also goed es, an sinen liene dat ommetrent Brederoede gheleghen es ende dat hi hout van onsen lieven here den ..grave van Holland^k; ende wat an dien renten ghebrake van dien drien hondert ponden Hollands^l tsyaers, payments voirs., dat sal Henric voirnoemt der joncvrouwen voirs. vervollen an sinen goede in Suutholland^m in den lande van Brederoede met ons lieves heren sgraven hant voirscreven. Voert est voirwairde: wair dat zake dat Henrix voirs. ghebrake sonder levende bord van der joncvrouwen voirscreven, soe mach die voirnoemde joncvrouwe uytgaen met hare lijftochte ende medegave voirs., ende met allen cleynode dat si dair bringhen sal ende dat tote haren live behoren sal ende tote hare camer op die tijt alst gheviele, sonder enighe scout the gheldene; ende wair dat zake datter joncvrouwen voirs. ghebrake eer Henrix voirscreven sonder levende boird van der joncvrouwen voirnoemd, soe soude die voirnoemde medegave comen op der joncvrouwen erfnamen voirs., sonder enigherande scout te ghelden, ende Henric voirs. bleve an an sinen goede sonder enigherande delinghe van der joncvrouwen erfnamen voirs.

Ende ic Henric van Brederoede voirscreven, want ic wel beraden ben met minen vrienden, alle dese voirscreven voirwairden ghelovet hebbe ende volghe ende icker mi wel belove ende beghere te anemen ende aneme, soe hebbe ic desen brief open bezeghelt met minen zeghele; ende hebbe ghebeden groten heren ende moghenden, mijn here Jan van Heynnegouwenⁿ, here van Byaumond, heren Gherard here van Voirne, burchgrave van Zeelland^o voirnoemt, die alle dese voirwairde ghesproken hebben alse voirscreven es, ende heren Pieter here van der Lecke, minen lieven oem, heren Ghisebrecht^p here van Yselsteyne, heren Florens van Bersele, here van Scoudee, heren Daniel van der Mereweden^q, heren Symon van Benthem^r, ridders, Janne van Arcle, Henric van der Lecke ende Willem^s van der Wourt, knapen, dat si hare zeghele mede an hanghen willen an^t desen brief. Ende wi Jan van Heynnegouwen^u, here van Byaumond, Gherard^v here van Voirne, burchgrave van Zeelland^w, Pieter here van der Lecke, Ghisebrecht^x here van Yselsteyne, Florens^y van Bersele, here van Scoudee^z, Daniel van der Merewede^a', Symon van Benthem^b', ridders, Jan van Arcle, Henric van der Lecke ende Willem^c' van der Wourt, knapen voirscreven, omme bede wille Henrix^d' van Brederoede voirnoemd hebben wi onse zeghelen metten sinen ghehanghen an desen selven open brief. In orconde ende in kennisse alle der voirwairden voirscreven ghedaen ende ghegheven in Voirne int jair ons Heren M^o CCC^o een ende twintich, des manendaghes voir Palmen dach.

Ende omme dat wi hair Hughe Mensen sone ende broeder Dieric voirghenoemd dese voirscreven lettere ghesien ende ghehoirt hebben als hier voirscreven staet, soe hebben wi desen brief bezeghelt met onsen zeghelen in kennissen der wairheit. Ghegheven int jair ons Heren M^o CCC^o ende neghen ende twintich des anderen daghes na Kersdach.