Registers van de Hollandse grafelijkheid 1299-1345

Graaf Willem IV, die eerder 4½ pond Hollands jaarlijks uit de tiende van Nieuwerkerk in leen had had gegeven aan Mabelie, dochter van Nicolaas Honen, en na haar overlijden aan haar dochter Aleid, beleent hen in plaats daarvan met een gelijke jaarrente, uit te keren door de rentmeester van Kennemerland en West-Friesland.

Wi Willem ..grave van Heynnegouwen^a etc. maken cond allen luden dat wi ghegheven hebben Mabelien Claeys Honen^b wedue, ende na hoere doet Alide hore dochter, van ons ende van ons nacomelinghen ten rechten liene te houden vijftalf pond Hollands^c tsyaers, die wi hoer bewijst hadden te nemen uter tiende ter Niewerkerke alle yare; ende want si ons die brieve op ghegheven heft ende ghescoert sien, soe bewisen wi hoer die vijftalf pond Hollands^d tsyaers jairlix in te nemen an onsen rentemeester van Kenemerland^e ende van Vriesland^f die nu es of namaels wesen sal, die ene^g helfte te Midde winter^h ende die ander helfte te Pinxteren. Ende onbieden onsen rentemeester voirs. dat hi alle jare hoir daer of voldoe, ende des van hoir neme enen brief van kennessen, ende van also vele sullen wi him jaerlix quiten met dien brieve in siere eerster rekeninghe.

Ghegheven tote Haerlem op sente Niclaeys dach int jaer XXXIX^o.