Registers van de Hollandse grafelijkheid 1299-1345

Graaf Willem IV geeft Hugo van der Mije toestemming tot verkoop in vrij eigendom van 5 morgen leengoed in Bodegraven, op de helft waarvan diens echtgenote Marcelie gelijftocht was, maar van welke lijftocht zij ten overstaan van de baljuw van Rijnland en van de leenmannen afstand had gedaan.

Willem grave van Heynnegouwen^a etc. maken cond etc. dat wi die V morghen lants legghende in Bodegraven die Hughe van der Mye van ons te liene hout, ende dair die helfte Merselien sijns wijfs lijftochte of was, om Gode ende om bede van Hughen ende van Merselien vrienden, want Merselie die lijftochte van den lande voirscreven voir Gillise van Kralinghe, onsen bailiu van Rijnlant, ende voir onse manne vrylike quijt ghescouden heeft, oirlof gheven mit desen brieve Hughen voirnoemt die V morghen lants voirscreven te vercopen te vryen eyghen; ende gheven den ghenen diese coept dair of enen vryen eyghendom mit desen brieve, ende gheloven hem dien te waren alsmen een vry eyghen sculdich es te waren.

Ghegheven des sondaghes voir sinte Martijns dach in den zomer anno XL^o.