Registers van de Hollandse grafelijkheid 1299-1345

Graaf Willem III beleent heer Gijsbrecht heer van IJsselstein, ridder, met een hert jaarlijks uit de Haarlemmerhout, te leveren door de houtvester wanneer heer Gijsbrecht dat wil.

Wi Willem grave van Heynnegouwen^b etc. maken cond allen luden dat wi onsen trouwen ridder heren Ghijsbrecht^c, here van Yselsteyne, ghegheven hebben ende gheven alle jare uut onsen Houte van Hairlem enen hert, wannere dat hine hebben wil, te houden van ons ende van onsen nacomelinghen grave van Holland^d hem ende sinen nacomelinghen heren van Yselsteyne^e ten rechten liene^f; ende ombieden naerstelike ende bevelen onsen houtvoesters van onsen Houte van Hairlem die nu sijn of hier na wesen zellen, dat si zonder ander ghebod van ons te hebben alle jare enen hert leveren den here van Yselsteyne^g.

In orconde etc. Ghegheven tot Utrecht^h des vrydaghes na sinte Martijns daghe in den zoemer int jair XIIII.