Registers van de Hollandse grafelijkheid 1299-1345

Reinoud II graaf van Gelre en Zutphen en schepenen en Raad van de steden Zutphen, Nijmegen, Arnhem, Harderwijk, Tiel, Zaltbommel en Venlo, optredend als borgen, beloven graaf Willem III zich te zullen houden aan de uitspraak die zal worden gedaan door de graaf, diens broer Jan van Henegouwen, heer van Beaumont, en Gerard heer van Voorne, burggraaf van Zeeland, en verklaren dat wanneer zij daarin in gebreke blijven de graaf hen en hun goederen zal mogen arresteren.

Vgl. het voorafgaande nr. WI 423.

Wi Reynout grave van Ghelre ende van Zuutphen^b ende wi ghemene scepene ende Raed van der stat van Zuutphen^c, van der stat van Niemaghen, van der stat van Airnem, van der stat van Harderwijc^d, van der stat van Tiele, van der stat van Boemele ende van Vende^e, alse borghen, maken cond etc. dat wi ghesamender hand ende elc voir alle loven enen hoghen edelen manne ende enen moghenden, heren Willem grave van Heynnegouwen^f etc., te houden ende te voldoene alsulc zegghen alse hi ende hoghe edele lude her Johan van Heynnegouwen^g, here van Byaumond, ende her Gherard^h here van Voirne, burchgrave van Zelant, zegghen zullen of doen zegghen van horen weghen mit hoeren openen brieven, na der bester waryde die zire of vinden connen, van alsulken twiste alse die goede lude van der graefscip van Hollant ende van Zelant up die ene zide ende die stat van Rueremonde up die ander zide onderlinghe hebben, ende dat zegghen te voldoene tote zulker tijt als si dat zegghen zullenⁱ jof doen zegghen; ende waerd dat dair an yet ghebrake, soe soude die grave van Heynnegouwen^j ende van Hollant^k ons ende onse^l goed ane tasten ende houden moghen, ter tijt toe dat wi hem dair af voldaen hadden.

In orconde etc. Ghegheven des vrydaghes na onser Vrouwen dach te half oichste anno XXXVI^o.