Registers van de Hollandse grafelijkheid 1299-1345

Graaf Willem IV bevrijdt, voor een bedrag van 50 pond Hollands, Dirk Brunincsz., diens echtgenote Gerburch, en hun met name genoemde kinderen, schoonkinderen en kleinkinderen van de keurmede, tenzij zij zich opnieuw in onvrijheid begeven; de regeling kwam tot stand door tussenkomst van enkele met name genoemde (leden van de Raad).

Willem grave van Heynnegouwen^a etc. maken cond etc. dat wi bi heren Willem van Outshorne, heren Symon van Theylinghe^b, heren Florens^c van der Boechorst, ridderen, ende bi Gherard^d Alewijns sone hebben laten verdinghen Diedairt Bruninx soen, Gherburch zijn wijf, Bruning, Gherit, Diederic, Jane, Clayse, Jacop, Agete, Griete, Lise ende Grietekijn^e, hore kinder, Jan Egghebrechts^f soen, Ageten man voirscreven, Diederic, Jacop ende Egghebrecht^g ende Ermegaird, hore kinder, Catrine^h, Bruninx wijf voirscreven, ende Niese hoir kinderⁱ, van sulker coermiede als si ons sculdich zijn, omme L lb. Hollants^j, dair si heren Florens^k van der Boechorst voirscreven ghenoech of ghedaen hebben tot onser behoef; ende sceldense van dier coermiede vry ende quite, ten ware dat si hem hier namaels verdieden.

In orconde etc. Ghegheven des maendaghes voir sinte Maertijns dach in den zoemer anno XLI^o.