Registers van de Hollandse grafelijkheid 1299-1345

Frank genaamd van der Culen, knaap, verklaart voor 10 pond groten Tournois vazal van graaf Willem IV te zijn geworden, waarvoor hij hem 1 pond groten Tournois jaarlijks opdraagt uit nader omschreven eigen goederen, welke jaarrente hij van de graaf in leen zal houden; de oorkonde wordt medebezegeld door de getuigen heer Rudolf van Stommeln, ridder, en Cono van Binsfeld, knaap, die onder ede verklaren dat de genoemde goederen bonafide zijn.

Universis ad quos presens scriptum pervenerit, ego Franco dictus van der Cůlen, armiger, notum facio tenore presentium publice protestando^a quod recepi ac sustuli a nobili ac potenti domino, domino meo dilecto domino Wilhelmo, comite^b Hannonie etc., decem libras grossorum Turonentium, qui me proinde^c virtute sue nobilitatis suum voluit esse fidelem, ratione etiam cuius receptionis per me facte ego prefatus Franco assignavi et presentibus assigno dilecto domino meo predicto et suis heredibus annuos^d perpetuos et hereditarios reditus videlicet unius libre grossorum Turonentium^e, pro quibus sibi et suis heredibus obligavi et presentibus obligo quatraginta et tres iurnales terre arabilis puri mei allodii, sitos in campis ville dicte Synsteden, spectantes ad curtem^f meam ibidem, in districtu sive domineo reverendi in Christo^g patris^h ac domini archiepiscopi Coloniensisⁱ, et in diversis peciis, quarum prima, sita iuxta viam qua itur de villa dicta Sinsteden zů der Cůlen, continet duodeceim iurnales; item alia, sita iuxta villam que^j dicitur ander Bůuchergans, continet octo iurnales; item alia, sita ander curtet^k Sleyden, continet novem iurnales; item alia, ibidem sita, continet septem^l iurnales; item alia, sita iuxta curtem dictam Bůngarden, continet septem iurnales. Que quidem assignatio et obligatio facta est presentibus strennuis viris et honestis domino Rodolfo^m deⁿ Strůmbele^o, milite, et Conone de Bynzvelt, armigero, fidelibus dilecti domini mei predicti, et sub hac^p forma quod ego prefatus Francho predicta bona mea prout^q sita sunt et in presenti contractu prenarrata, que sunt purum meum allodium, facio libera mea voluntate bona feodalia dilecti domini mei predicti et suorum heredium, et ego heredesque^r mei erimus et remanebimus ex nunc ipsi domino meo et suis heredibus iure fidelitatis seu homagii de predictis bonis meis obligati in perpetuum, et astricti servientes sibi et suis heredibus, et facientes omnia et singula de hoc feodo que ceteri sui fideles de suo feodo facere sunt astricti, omni cavillatione, contradictione, fraude et dolo cessantibus penitus omnibus et singulis in premissis.

In cuius rei testimonium sigillum^s meum una cum sigillis strennuorum virorum predictorum, videlicet domini Rodolfi de Stůmbele, militis, et Cononis de Binchvelt, armigeri, fidelium predicti domini mei ut premissum est, presentibus est appensum. Et nos prefati Roedolphus de Stůmbele, miles, et Cone de Bynzvelt, armiger, fideles dilecti domini nostri domini comitis predicti, omnia et singula premissa fatemur esse vera, ipsis interfuisse, ea vidisse fieri et audivisse, et predictam assignationem per prefatum Franchonem factam, quo ad predictos reditus dicte libre grossorum Turonensium precipiendos si quociens et cum necesse fuerit in memoratis suis bonis protestamur esse bonam et legalem, sub iuramento fidelitatis quo sumus predicto dilecto nostro domino obligati; et sigilla nostra ad petitionem sepedicti^t Franchonis recognossimus nos presentibus appendisse in testimonium^u omnium premissorum. Datum anno Domini M^o CCC^o quadragesimo quarto, in crastino decollationis beati Iohannis^v baptiste.