Registers van de Hollandse grafelijkheid 1299-1345

Nicolaas abt en het gehele convent van Middelburg verklaren dat zij van graaf Willem III het recht hebben gekregen om een van hun kanunniken te benoemen in de eerstkomende vrije kapelaansplaats in de grafelijke kapel te Den Haag, en ook de opvolger in die kapelanij, op voorwaarde dat de kandidaten de graaf welgevallig zullen zijn; in ruil daarvoor geven zij de graaf het patronaatsrecht van de kosterij van de kerk van Oostkapelle.

Vgl. de voorafgaande oorkonde nr. ZE 48 in het register, alsmede nr. ZE 99.

De onderstaande tekst is gebaseerd op afschrift B.

Nos Nicolaus^b Divina promissione^c abbas ac totus conventus monasterii beate Marie in Middelburch, Traiectensis^d dyocesis, ordinis Premonstracensis, universis presentes litteras inspecturis salutem cum noticia veritatis. Noverint universi quod cum dilectus dominus noster dominus Willelmus^e, comes Hollandie^f, Haynnonie^g etc., nobis dare promiserit et exnunc dederit et concesserit^h primam capellaniam quam in capella sua de Haghaⁱ primum^j vacare contigerit, in qua nos unum de nostris canonicis, vite laudabilis, vita et moribus ornatum, poterimus instituere, qui continuam residentiam faciet in dicta capella^k; et quocienscumque dictum canonicum in dicta capellania^l per nos taliter institutum mori contingeret^m, tunc poterimus alium canonicum eiusdem conditionis instituere in capellania predicta. Et si canonicus per nos taliter institutus domino nostro comiti vel successoribus suis non exstiteritⁿ gratiosus, tunc ad requisicionem dicti domini nostri comitis dictum canonicum nostrum amovebimus et alium in loco sui substituemus qui comiti Hollandie^{o p} semper sit amicus; et quociens casus talis acciderit semper nos amovebimus et instituemus alium secundum domini nostri comitis Hollandie^q qui pro tempore fuerit voluntatem. Et si hoc facere recusaremus, comes poterit nos requirere per se vel per alium quod infra tribus septimanis semper comiti Hollandie^r displicentem canonicum nostrum amoveamus et alium sibi dilectum instituamus; quod si facere recusaverimus vel neglexerimus, tunc comes Hollandie^s unum canonicum de abbacia nostra predicta poterit^t instituere nobis invitis^u et irrequisitis, quo canonico mortuo nos secundum modum predictum instituere poterimus alium et debebimus. Et hec omnia cum dicto domino nostro comite fecimus^v et concordavimus ex causa permutationis facte de dicta capellania ad dictum nostrum dominum comitem iure patronatus pertinente et de custodiis existentibus in ecclesia de Oistcapella^w in Walacria^x cum omnibus iuribus et pertinentiis suis, que vulgaliter costerien nominantur, ad nos iure patronatus pertinentibus; quarum custodiarum ius patronatus conferendi easdem in dictum dominum nostrum comitem, heredes et successores suos^y transtulimus et exnunc transferimus ex causa permutationis predicte. Promittimus etiam quod dictas custodias domino comiti nostro predicto, heredibus et successoribus suis deliberabimus^z et deliberari faciemus absque quacumque calumpnia; faciemus ipsum dominum comitem, heredes et successores suos iure patronatus dictarum custodiarum exnunc in antea libere et pacifice congaudere. Et hec omnia suprascripta^a' firmiter et inviolabiliter observanda nos et successores nostros tenore presentium inperpetuum obligamus.

In cuius rei testimonium etc. nos abbas et conventus predicti sigilla nostra hiis presentibus pariter duximus apponenda. Datum in Haerlaem in die beati Egidii abbatis anno Domini M^o CCC^o vicesimo.