Registers van de Hollandse grafelijkheid 1299-1345

Graaf Willem III verleent de abt van Middelburg het recht om een van diens medekanunniken te benoemen in de eerstkomende vrije kapelaansplaats in de grafelijke kapel te Den Haag, en ook de opvolger in die kapelanij, op voorwaarde dat de kandidaten de graaf welgevallig zullen zijn; in ruil daarvoor krijgt de graaf van de abt het patronaatsrecht van de kosterij van de kerk van Oostkapelle.

Vgl. de volgende oorkonde nr. ZE 49 in het register, alsmede nr. ZE 99.

De onderstaande tekst is gebaseerd op afschrift B.

Universis presentes litteras inspecturis Guillelmus^c comes Haynnonie^d, Hollandie^e etc. salutem et rei geste noscere veritatem. Notum facimus universis quod nos, cupientes quod in nostris capellis et specialiter in capella nostra^f de Hagha^g cultus divinus augmentetur et seriosius excerceatur in omnibus, primam capellaniam que in dicta capella nostra de Hagha^h vacare contigerit dedimus et dare promittimus et exnunc damus et concedimus religioso viro abbati ecclesie beate Marie in Middelburchⁱ, qui nunc est et pro tempore fuerit, ut possit in dicta capellania cum primum vacare contigerit conferre et in ipsa instituere^j unum suum concanonicum actu presbiterum, vite laudabilis, vita et moribus ornatum, qui continuam residentiam faciat in capella nostra^k in Hagha^l predicta; et quocienscumque dictum canonicum in dicta capellania per abbatem taliter institutum mori^m contingeretⁿ, tunc abbas qui pro tempore fuerit poterit alium canonicum suum eiusdem conditionis instituere in capellania^o predicta. Et si canonicus per abbatem institutus taliter nobis vel successoribus nostris non extiterit gratiosus, tunc abbas ad requisicionem nostram dictum canonicum suum ammovebit et alium loco sui substituet qui semper comiti Hollandie sit amicus; et quociens casus talis acciderit semper abbas amovebit et instituet alium secundum comitis^p Hollandie qui pro tempore fuerit voluntatem. Et si dictus abbas hoc facere recusaret, comes poterit ipsum requirere per se vel per alium quod infra tribus septimanis semper comiti Hollandie displicentem canonicum suum amoveat^q et alium sibi dilectum instituat^r; quod si facere recusaverit vel neglexerit, tunc comes Hollandie unum canonicum de abbacia predicta poterit instituere abbate invite et irrequisito, quo canonico mortuo abbas secundum modum predictum instituere alium^s poterit et debebit. Et dictus canonicus in dicta capellania constitutus habebit omnes fructus, redditus et proventus et omnia iura que unus capellanorum in dicta capella nostra existencium habere poterit et debebit. Et hec omnia facimus ex causa permutacionis facte de dicta capellania an^t nos iure patronatus pertinente et de custodiis existentibus in ecclesia de Oistcapellis in Walacria^u cum omnibus iuribus et pertinentiis suis, que custodie vulgaliter costerien nominate, ad dictum abbatem iure patronatus pertinere noscuntur; promisit abbas dictus etiam nomine sui et conventus sui quod dictas custodias nobis, heredibus et successoribus nostris deliberabit et deliberari faciet absque quacumque calumpnia, et exnunc in nos, heredes et successores^v nostros^w ius patronatus conferendi custodias predictas transtulit et transfert ex causa permutationis predicte. Et hec omnia suprascripta^x nos comes predictus pro nobis, heredibus et successoribus nostris promisimus et promittimus integraliter observare et non contravenire aliqua ratione vel causa, et ad hoc nos, heredes et successores nostros tenore presentium obligamus^y.

In cuius rei testimonium etc. Datum in Haerlaem^z in die beati Egidii abbatis anno Domini M^o CCC^o vicesimo.