Registers van de Hollandse grafelijkheid 1299-1345

Graaf Willem III beleent zijn knaap Gerard Alewijnsz. uit Leiden met 16 gemet in Oude Hugelijnszand in ruil voor de 15 pond groten die hij van hem had ontvangen uit diens verkoop van een leen van 10 gemet in Hugelijnszand, waarmee hij hem eerder beleend had; voorts regelt hij de vererving van het leen.

Vgl. de volgende oorkonde nr. ZE 65 in het register, alsmede nr. ZE 252.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De onderstaande tekst is gebaseerd op afschrift B.

Wi Willaem grave van Henegouwen^a etc. maken cond allen luden dat Gheret^b Alewijns sone ute Leyden, onse knape, bi onsen goeddenken zine tiene ghemete lands in Hughelijns sand, die wi hem voermaels omme sinen dienst ghegheven hadden in rechten liene van ons te houden, vercoft hevet omme vijftien pond grote, die hi ons ghegheven heeft, ende daer toe twaelf scellinghe ende drie penninghe grote overmits des boden cost die ons tghelt brochte daer wijt bevalen te brenghen, waer omme wi Gheraerde voers. ghegheven hebben bi Vrederic onsen rentemeister van Zelland^c ende gheven met desen brieve zestien ghemete lands in Oude^d Hughelijns sand^e an Dankaerd Jacobs soens rec, hem^f ende sinen nacomelinghen van ons ende van onsen nacomelinghen^g in liene te houden in deser manieren: dat na siere doet comen sal op sine kinderen^h ende van den ene kinde op dat ander, waerd dochter jof sone, maer op den jongheren sone voer op die ouder dochter, ende daer tenden in rechten liene van ons te houdenⁱ.

In orkonde ^j etc. Ghegheven te^k Berghen in Henegouwen^l op sinte Agnieten dach int jaer ons Heren M CCC ende twintich.