Registers van de Hollandse grafelijkheid 1299-1345

Graaf Willem III bepaalt dat heer Hendrik van Everingen aan diens echtgenote vrouw Adelise zolang zij gescheiden zullen leven jaarlijks 35 schelling groten Tournois uit zal keren, terwijl hij zelf haar jaarlijks nog 5 schelling in gelijke munt zal betalen; Arnoud van Schengen staat borg voor de betaling door heer Hendrik.

De onderstaande tekst is gebaseerd op afschrift B.

Wi Willaem^a grave van Henegouwen^b etc. maken cond etc. dat wi een zegghen gheseyt hebben tusken heren Heynric^c van Everinghen ende veren Adelisen sinen wive, dat es te wetene dat hair Henric voers. veren Adelisen sinen wive voernomd doen betalen zal tote hore noturste behoef^d vijf ende dertich scellingen groter Tornoisen^e sjaers, die ene helfte te betalen tote sinte Jans daghe middezomer^f die naist comet ende die ander helfte te middewinter^g daer ^h naist comende; ende voirt van jare te jare tote Kersavondⁱ zal hi hoir betalen also langhe als si van hem es vijf ende dertich scellingen groter Tornoisen^j, sonder arghelist. Voirt soe gheven wi hoir tote horer noturste behoef^k vijf scellingen groter Tornoisen^l sjaers, die hoir ^m onse rentemeyster van Zeellandⁿ betalen zal van onsen weghen jaerlix te middewinter; ende onbieden onsen rentemeyster van Zelland^o die nu es jof hier na wesen zal dat hi hoir dese vijf scellingen groter Tornoisen^{p q} betale telken middewinter also langhe als si van heren Henric van Everinghe horen manne wesen sal. Voird waer dat zake dat hair Heynric^r voirs. dese vijf^s ende dertich scellingen groter Tornoisen^t niet en ghave^u jaerlix ten^v daghe alse voirs. es, soe es hier of borghe Arnoud van Sconghen^w, diet voir ons wilkoirt hevet hoir te voldoen van desen jaerlix renten op al sijn goet; ende dede hi des niet, soe onbieden wi ende bevelen onsen rentemeyster van Zelland^x die nu es jof hier na wesen^y sal dat hi van Arnouds goede voirs. alsoe vele^z vercope als men hoir sculdich zal wesen ende after staen zal van horen jaerlixen renten voers. Voird waer dat zake dat hair Henric voers. veren Adelisen sine wive weder met hem name, soe waren^a' dese voirseyde renten quite alsoe langhe als zi mit hem bleve ende niet langher, sonder arghenlist.

In^b' orkonde etc.^c' Ghegheven in^d' Middelburch^e' des donresdaghes na Paesdach int jaer ons Heren M CCC ende^f' een ende twintich.